Almaty qalasy ákimdigi Qoǵamdyq damý basqarmasy jáne Almaty qalalyq «Jas Otan» Jastar qanatynyń qoldaýymen, «Volonterlar lıgasy» Qoǵamdyq qory jáne Almaty pikirsaıys federasıasynyń uıymdastyrýymen qalalyq «ALMATY CUP 1» APF formatyndaǵy týrnıri ótti.
Shara «DEPO Evolution Park» jastar loft-ortalyǵynda, kolej jáne ýnıversıtet stýdentteriniń qatysýymen «Sóz bostandyǵy» taqyrybynda órbidi. Atalmysh týrnırdiń maýsymashar pikirsaıysyna debat maıtalmandary qatysty. Tóreshiler oıynǵa tirkelgen 24 fraksıany ózara bólip, týrnır barysyn túsindirip ótti. «Búgingi týrnır aýqymdy taqyryptardy qamtydy. Bárimizge qýanyshty jaǵdaı – Bilim jáne ǵylym mınıstri Asqat Qanatuly jalpy debat qozǵalysynyń mektep lıgasynan bastap stýdent lıgasyna deıin jańa jobalary men bastamalary paıda bolyp jatqanyn aıtqan bolatyn. Sonymen qatar, osy jyly qazaq tilinde debat metodıkalyq nusqaýlyǵyn jazyp shyǵardyq», – dedi Almaty Pikirsaıys federasıasynyń prezıdenti Damır Ahmetbekuly. 1- Saıysta irikteý jasalyp, fraksıalarǵa «Bul Palata Eýropalyq Odaq retinde Transatlantıkalyq saýda jáne ınvestısıalyq seriktestikke kelisimin beredi» atty rezolúsıa berildi. 2-saıysta jaǵdaıattyq qarar usynyldy. Oıynnyń 3-bóliginde «Bul Palata Halyqaralyq qaýymdastyq retinde Talıban úkimetine Aýǵanstan rezervterin paıdalanýǵa ruqsat beredi» degen rezolúsıa bólindi. 3 saıystan soń tirkelgen 24 fraksıanyń 8-i qalyp, «Bul Palata Lýkashenko retinde Belarýs Respýblıkasy basshysy bolǵansha Reseı quramyndaǵy Belarýs oblysynyń gýbernatory bolǵan tıimdi dep esepteıdi» atty qarar boıynsha pikirtalas bastaldy. Odan soń jartylaı fınalǵa 4 komanda qalyp, fınalda «Bul Palata 30 jylda eń jaqsy damý jolyn kórsetken postkeńestik respýblıkany kórsetedi» atty rezolúsıa berildi. «Pikirsaıystarda jetistikterge jetý úshin kózqaras, myqty minez, óz ustanymyn dáleldi túrde qorǵaı bilýge jeteleıtin umtylys mańyzdy. Ol úshin kóp kitap oqyp, tanymdyq baǵdarlamalardy qarap, qarym-qatynas ornata bilý, argýmentasıa daǵdylaryn damytý boıynsha únemi jumys isteý kerek», – deıdi shara qatysýshylary. «Úzdik tóreshi» nomınasıasyn Álishbaı Muhamedáli, «úzdik uıymdastyrýshy» nomınasıasyn Jeńisqanqyzy Aıdana ıelendi. Fraksıalar boıynsha 4-orynǵa «Fenıks», 3-orynǵa «Ádil saıasat», 2-orynǵa «Fenomen» jáne 1-orynǵa «Jastar Arlans» fraksıasy shyqty. Saıys nátıjesinde barlyq júldegerlerge alǵys hattar men arnaıy syılyqtar tabystaldy.