Almaty onkologıalyq aýrýlarmen kúrestegi ozyq sheshimder ortalyǵy
Almaty onkologıalyq ortalyǵy Qazaqstandaǵy jetekshi onkologıalyq kómek uıymdarynyń biri bolyp qala beredi. 2025 jyldyń 10 aıynda Almaty onkologıalyq ortalyǵynda 22 185 naýqas emdeldi, bul ótken jyldyń osy kezeńimen salystyrǵanda 11,7% artyq. 2 417 ota (2024 jyly — 2 269), 17 034 sáýlelik terapıa seansy (2024 jyly — 16 135) jáne 687 694 dıagnostıkalyq zertteý (2024 jyly — 577 223) júrgizildi. 18 929 naýqas hımıoterapıalyq emdeýden ótti, al 6458 adam ambýlatorıalyq hımıoterapıa aldy. Onkologtardyń keńesiniń sany da artyp, 146 783 adam keńes alǵan (2024 jyly — 138 566).
Kórsetkishterdiń ósýi ortalyq jumysynyń tıimdiligin jáne naýqastar tarapynan Almaty qalasynyń ǵana emes, basqa óńirlerdiń de joǵary senim deńgeıin kórsetedi. 2025 jyldyń 10 aıynyń qorytyndysy boıynsha megapolıske basqa óńirlerden 846 onkologıalyq naýqas keldi, olardyń árbir altynshysy Almaty onkologıalyq ortalyǵynda joǵary sapaly medısınalyq kómek alý úshin keledi.
Kórsetkishterdiń ósýi ortalyq jumysynyń tıimdiligin jáne naýqastar tarapynan joǵary senim deńgeıin kórsetedi. Munda dıagnostıka men emdeýdiń eń zamanaýı ádisteri qoldanylady, jabdyq jańartylady. Mysaly, mýtasıanyń nemese ınfeksıanyń ornyn dál anyqtaýǵa múmkindik beretin ımýndyq-hımıalyq ádister, maqsatty terapıa (preparattar saý tinderge áser etpesten zaqymdalǵan jasýshalarǵa ǵana áser etedi), hırýrgıalyq emdeýdiń az ınvazıvti ádisteri belsendi qoldanylady.
Ortalyq jumysynyń jańa baǵyttarynyń biri jasandy ıntellektti engizý boldy. Almaty onkologıalyq ortalyǵynda TMD-daǵy alǵashqy KIRO Oncology júıesi – hımıopreparattardy dál jáne qaýipsiz daıyndaýǵa arnalǵan robottandyrylǵan tehnologıa ornatyldy. Robot shtrıh-kodty, preparattyń massasyn jáne syrtqy túrin birneshe deńgeıde tekseredi, dozany mıllıgramdyq dáldikpen esepteıdi, sodan keıin jasandy ıntellekt kómegimen daıyn eritindini derekqordaǵy anyqtamalyq keskinmen salystyrady. Kishkene sáıkessizdik kezinde júıe qatelik qaýpin boldyrmaı, úderisti avtomatty túrde toqtatady. Júıe qazirdiń ózinde 35 myńnan astam doza daıyndady.
Joǵary dáldikpen qatar, KIRO Oncology júıesi qaýipsiz eńbek jaǵdaıyn qamtamasyz ete otyryp, medısınalyq qyzmetkerdi ýly hımıkattardyń áserinen qorǵaıdy. Tehnologıany damytý, sıfrlyq sheshimderdi engizý jáne jańa býyn mamandaryn daıarlaý Almatyny tek Qazaqstan úshin emes, búkil Ortalyq Azıa óńiri úshin onkologıalyq aýrýlarǵa qarsy kúresýdiń ınovasıalyq tásiliniń úlgisine aınaldyrady.