Almatyda 69 adam Gongkong tūmauyn jūqtyrǵan. Almaty Densaulyq saqtau basqarmasy mektepter qashyqtan oqytyla ma degen sūraqqa jauap berdí, - dep habarlaıdy aqshamnews.kz tílshísí.
Būl turaly Almaty qalasy Sanıtarıyalyq-epıdemıologıyalyq baqylau departamentí basshysynyń orynbasary Ásel Qalyqova málímdedí.
Onyń aıtuynsha, qazír qaladaǵy eshbír mektepte oqushylar arasyndaǵy syrqattanu kórsetkíshí belgílengen shektí deńgeıden aspaǵan.
"Búgíngí jaǵdaı boıynsha, JRVI-ge qatysty oqushylar arasynda syrqattanu kórsetkíshí belgílengen shektí deńgeıden asqan joq. Bas memlekettík sanıtarıyalyq dárígerdíń qaulysyna sáıkes, onlaın oquǵa kóshu tek jeke synyptar boıynsha qarastyrylady, búkíl mektep boıynsha emes", – dedí maman.
Onyń sózínshe, onlaın formatqa auysu úshín JRVI nemese tūmau jūqtyrǵan oqushylar sany 30 paıyzdan asuy kerek. Qazírgí Almatydaǵy eshbír mektepte mūndaı jaǵdaı tírkelmegen.
"Balabaqshalar boıynsha da jaǵdaı baqylauda. Almaty qalasy boıynsha uaqytsha jabylǵan bírde-bír balabaqsha joq", – dep jetkízdí spıker.
Ol qaladaǵy epıdemıologıyalyq jaǵdaı monıtorıngtíń tūraqty júrgízílíp otyrǵanyn, barlyq bílím beru ūıymdarynda tańerteńgí súzgí men profılaktıkalyq sharalar jalǵasyp jatqanyn atap óttí.
Eske salaıyq, Almatyda 69 adam Gongkong tūmauyn jūqtyrǵan.