Jańbyr kúni-túni toqtamaıdy.
Japonıada bir jarym aıǵa sozylatyn jańbyr maýsymy bastaldy. Bul aqparatty el úkimeti resmı habarlady. Al QR Syrtqy ister mınıstrliginiń Erekshe tapsyrmalar jónindegi elshisi Batyrhan Qurmanseıit kúnshyǵys elindegi jaǵdaı týraly óziniń facebook-tegi paraqshasynda baıandady, dep habarlady Almaty-akshamy.kz Egemen.kz cilteme jasap.
Arnaıy elshiniń aıtýynsha, bul maýsym «eldegi erekshe mezgil» dep atalýynyń óz sebebi bar. Munda bir jarym aı boıy jańbyr kúni-túni toqtamaıdy. Sondyqtan Japonıanyń keıbir qalalarynda aýa ylǵaldana túsedi.
Bul japon halqy úshin úırenshikti jaǵdaı. Sondyqtan olar «Sýıý» maýsymyna arnaıy daıyndalady. Jaz mezgilimen ilese kelgen bultty kún shildeniń shilińgir ystyǵy bastalǵanda ashylady. Sosyn ǵana bir jarym aı boıy jaýǵan jaýyn sýy býǵa aınalyp, jer qurǵaıdy. Saldarynan aýa temperatýrasy joǵarylap, aptap ystyq ornaıdy. Osylaısha, Japonıa halqy biraz sarsańǵa túsedi.