Boksshynyń dál jekpe-jek aldynda densaýlyǵy syr berip, aýrýhanaǵa jatqanyn habarlaǵanbyz.
Densaýlyq jaǵdaıyna baılanysty tıtýldyq jekpe-jekten bas tartqan boksshy Jánibek Álimhanuly áleýmettik jelide jankúıerlerine úndeý jasady, dep habarlaıdy Almaty-akshamy.kz
"Qýanyshta birge bolǵan jankúıerlerim, qıyndyqta da qasymnan tabylyp jatqanyna qýanyshtymyn. Barshańyzǵa Alla razy bolsyn. Tilek, duǵalaryńyzǵa raqmet! Densaýlyǵym durystaldy. Qazir barlyǵy jaqsy. Buıyrtsa kelesi jospardy aqyldasyp jatyrmyz!", - dep jazdy ol.
5 shildede Jánibek Álimhanuly aldaǵy jekpe-jekke qalaı daıyndalyp jatqanyn kórsetip, jelide vıdeo jarıalaǵan bolatyn. Sodan keıin ol barshaǵa jyldyń eń úzdik nokaýtyn kórsetetinin málimdedi. Biraq Jánibek Álimhanuly jańa zelandıalyq sportshy Andreı Mıhaılovıchpen bolatyn jekpe-jek aldynda, densaýlyǵy syr berip 12 shildede AQSH-ta aýrýhanaǵa túsip qalǵan edi.