Aptap ystyq, jańbyr, naızaǵaı.
"Qazgıdromet" RMK jeksenbige arnalǵan aýa raıynyń jalpy boljamyn jarıalady, dep habarlaıdy Almaty-akshamy.kz
Boljamǵa sáıkes, elimizdiń basym bóliginde, shyǵys aımaqtardy qospaǵanda, aýa raıy jaýyn-shashyndy bolady dep kútiledi.
"Ońtústik sıklon jáne onymen baılanysty jyljýshy atmosferalyq frontaldy bólikterge baılanysty soltústik-batys, ońtústik-shyǵys, ońtústik, ortalyq óńirlerde nóser jańbyr jaýady, naızaǵaı oınap, burshaq túsedi, daýyl turady dep boljanady. Elimizdiń shyǵysynda ǵana antısıklon sileminiń áserinen jaýyn-shashynsyz aýa raıy saqtalady. Respýblıka boıynsha ortaq tabıǵı qubylys - jeldiń ekpin alýy, sondaı-aq soltústik-batysta túnde jáne tańerteń tuman bolady", delingen "Qazgıdromet" RMK taratqan aqparatta.
Kúndiz Almaty, Jetisý jáne Abaı oblystarynda aptap ystyq saqtalady.
Mańǵystaý oblysynyń soltústik-batysynda, Batys Qazaqstan oblysynyń ońtústik-batysynda, soltústiginde, ońtústiginde, ońtústik-shyǵysynda, Jambyl oblysynyń soltústik-batysynda, soltústik-shyǵysynda, Atyraý oblysynda, Aqtóbe oblysynyń ońtústik-batysynda, Abaı oblysynyń ońtústiginde órt qaýpi joǵary bolady.
Túrkistan, Mańǵystaý oblystarynda, Jambyl jáne Ulytaý óńirleriniń batysynda, Qostanaı oblysynyń ońtústiginde, ortalyǵynda, shyǵysynda, Qyzylorda oblysynyń ońtústiginde tótenshe órt qaýpi saqtalady, al Atyraý oblysynyń ońtústik-shyǵysynda asa tótenshe órt qaýpi kútiledi.