Jeksenbige arnalǵan aýa raıy boljamy.
«Qazgıdromet» RMK-sy qyrkúıektiń 12-si kúngi aýa raıy boljamyn jarıalady, dep habarlaıdy Almaty-akshamy.kz.
Kásiporyn tartqan málimetterge qaraǵanda, 12 qyrkúıekte shyǵys jarty sharda jáne soltústik aımaqtarda, sondaı-aq ońtústik-shyǵystyń taýly aýdandarynda jańbyr jaýyp, naızaǵaı oınaıdy.
Elimizdiń batys jartysynda antısıklon jotasynyń áserinen aýa raıy negizinen jaýyn-shashynsyz bolady. Túnde jáne tańerteń Soltústik jáne Ortalyq aımaqtarda tuman túsedi.
Qazaqstannyń shyǵys jartysy men soltústik óńirlerinde jel sekýndyna 15-20 metrge deıin kúsheıedi. Soltústik Qazaqstan oblysynyń shyǵysynda naızaǵaı oınaıdy, jel sekýndyna 15-20 metr, kúndiz ekpini 23-28 m/s-ke deıin kúsheıedi. Pavlodar oblysynda kúndiz ekpini jel 15-20 m/s soǵady.
Jambyl oblysynyń taýly aýdandarynda naızaǵaı oınap, burshaq jaýady. Túnde tuman, kúndiz oblystyń ońtústik-batysynda, batysynda jel sekýndyna 15-20 metrge deıin kúsheıedi.
Túnde soltústiginde, kúndiz Shyǵys Qazaqstan oblysynyń basym bóliginde naızaǵaı oınaıdy, jel sekýndyna 15-20 metr jyldamdyqpen kúsheıedi. Ortalyqta jeldiń kúshi 15-20 m/s bolady. Qaraǵandy oblysynyń soltústiginde, soltústi-batysynda tuman túsedi, eldiń soltústiginde, shyǵysynda jáne ortalyǵynda jel 15-20 m/s jyldamdyqpen soǵady.
Aqmola oblysynyń soltústiginde túnde jáne tańerteń, ońtústik-shyǵysynda tuman túsedi, túnde jáne kúndiz soltústiginde, ońtústik-shyǵysynda jel 15-20 m/s-qa deıin kúsheıedi. Túnde jáne tańerteń oblystyń soltústiginde, soltústik-batysynda tuman túsedi, kúndiz soltústiginde jel 15-20 m/s jyldamdyqpen soǵady.
Túnde Aqmola oblysynyń ońtústik-batysynda, Qostanaı, Soltústik Qazaqstan oblystarynyń batysynda, Aqtóbe oblysynyń soltústiginde, Qaraǵandy oblystarynyń soltústiginde, shyǵysynda 2 gradýs úsik júredi.
Almaty, Jambyl, Túrkistan, Qyzylorda, Mańǵystaý, Atyraý, Aqtóbe, Qostanaı oblystarynyń basym bóliginde, Qaraǵandy oblysynyń batysynda, Batys Qazaqstan oblysynyń soltústik-shyǵysynda jáne ońtústiginde, Shyǵys Qazaqstan oblysynyń ońtústiginde tótenshe órt qaýpi saqtalady.