Taraz vokzalynda jóndeý jumystaryn júrgizý biraz jyl josparlanǵan bolatyn
Taraz qalasyndaǵy temirjol vokzaly jóndeýden keıin jolaýshylar úshin esigin aıqara ashty, Almaty-akshamy.kz «Qazaqstan temir joly» UK» AQ baspasóz qyzmetine silteme jasap.
Taraz vokzalynda jóndeý jumystaryn júrgizý biraz jyl josparlanǵan bolatyn. Jospar 2021 jyly júzege asyryldy. Vokzal ǵımaratynyń ishki qabyrǵalary, qasbeti men shatyry jańartylyp, jylý, sý jáne elektrmen jabdyqtaý júıeleri, jolaýshylar úshin kútý aımaqtary keńeıtilip, jóndeldi. Vokzalda turǵyndardyń júrýge qaýqary az toptary úshin jaǵdaı jasalǵan. Ekinshi qabatta aımaq tarıhy kórsetilgen taqyryptyq ınstallásıa ornatylǵan.
«Jańajyldyq mereke kúnderi elimizdiń barlyq vokzaldary shtattyq rejımde jumys istedi jáne jumys isteýde. Vokzal qyzmetkerleri jolaýshylardyń merekelik kóńil kúıi, olardyń qaýipsizdigi men jaılylyǵy, aqparatqa qoljetimdiligi jáne jolda qıyndyqtarǵa ushyrap qalmas úshin barlyǵyn jasaıdy», - delingen habarlamada.
«QTJ» UK» AQ temirjol kóligindegi qaýipsizdik sharalaryn saqtaý boıynsha aldyn alý is-sharalaryn turaqty negizde júrgizedi. Baqylaý mereke kúnderi jáne mektep demalysy kezinde kúsheıtiledi. Bıyl merekelik demalys kezinde temirjolshylar kólik polısıasy qyzmetkerlerimen jáne kúzet qyzmetimen birlesip profılaktıkalyq qaýipsizdik reıdterin ótkizdi. Qaýiptiligi joǵary aımaqtarda anyqtalǵan qaýipsiz minez-qulyqty buzýshylarmen túsindirý suhbattary júrgizildi.
«Sonymen qatar, Ashyq qosymshasy arqyly vokzal ǵımarattaryna ótýge tyrysqan «sary» mártebesi bar eki adam anyqtaldy. 2021 jylǵy 1 shildeden bastap, dál osy sátke deıin vokzaldarda Ashyq qosymshasy paıdalanylyp, «qyzyl» jáne «sary» mártebesi bar (sáıkesinshe 518 jáne 251) 769 adam anyqtaldy», - delingen habarlamada.
«QTJ» UK» AQ azamattardan abaı bolýdy, qaýipsizdik erejelerin qatań saqtaýdy jáne temir jolǵa qaýiptiligi joǵary nysan retinde qaraýdy suraıdy.
Beıtarap QR-kodtyń kómegimen Ashyq.kz saıtynda ornalastyrylǵan osy baǵdarlamany qoldaıtyn jáne basqa qosymshalardaǵy óz mártebeńizdi aldyn ala tekserip alý qajet.