Senattaǵy 6 mandatqa barlyǵy 12 kandıdat saılaýǵa qatysty.
Ortalyq saılaý komısıasy jańadan qurylǵan úsh oblystan senatqa saılanǵan depýtattardyń tizimin jarıalady, dep habarlaıdy Almaty-akshamy.kz
Komısıa qaýlysyna sáıkes, Abaı, Jetisý jáne Ulytaý oblystarynan alty senator joǵary palataǵa saılandy.
Abaı oblysynan:
Baqytjan Kákenqadjyuly Baıahmetov (2017 jylǵy 28 maýsymda saılanǵan Qazaqstan Respýblıkasy Parlamenti Senaty depýtattarynyń ókilettik merzimine);
Aınur Serikpaıqyzy Arǵynbekova (2020 jylǵy 12 tamyzda saılanǵan Qazaqstan Respýblıkasy Parlamenti Senaty depýtattarynyń ókilettik merzimine).
Jetisý oblysynan:
Amangeldi Ǵabdylkárimuly Tolamısov (2017 jylǵy 28 maýsymda saılanǵan Qazaqstan Respýblıkasy Parlamenti Senaty depýtattarynyń ókilettik merzimine);
Ǵalıasqar Tólendiuly Sarybaev (2020 jylǵy 12 tamyzda saılanǵan Qazaqstan Respýblıkasy Parlamenti Senaty depýtattarynyń ókilettik merzimine).
Ulytaý oblysynan:
Sovetbek Tursynuly Medebaev (2017 jylǵy 28 maýsymda saılanǵan Qazaqstan Respýblıkasy Parlamenti Senaty depýtattarynyń ókilettik merzimine);
Serik Jamanqululy Shaıdarov (2020 jylǵy 12 tamyzda saılanǵan Qazaqstan Respýblıkasy Parlamenti Senaty depýtattarynyń ókilettik merzimine).
Ortalyq saılaý komısıasynyń tóraǵasy Nurlan Ábdirovtiń aıtýynsha, qazirgi ýaqytta Parlament Senatynda 2017 jáne 2020 jyldary saılanǵan depýtattar óz ókilettigin atqaryp jatyr.
«Al úsh oblystyń alty senatoryn saılaý kezinde máslıhat depýtattary janama saılaý quqyqtary negizinde jasyryn daýys berý arqyly jańa senatorlardyń qaısysy 2017 jáne 2020 jyldary saılanǵan depýtattardyń ókilettik merzimine rotasıa arqyly saılanatynyn ózderi anyqtady», - deıdi Ábdirov.
Aıta keteri, Senattaǵy 6 mandatqa ár oblystan 4 adamnan barlyǵy 12 kandıdat saılaýǵa qatysty. Olar úshin úsh óńirdegi 311 depýtat daýys berdi.