Jaıly turýdy qamtamasyz etý - qalany damytýdyń basymdyqtarynyń biri.
Qala ákimi aýdanǵa qosylǵan jańa aýmaqtarda bazalyq áleýmettik ınfraqurylym joq, dep atap ótti, dep habarlaıdy Almaty-akshamy.kz
Muztaý, Kólsaı, Sulýsaı jáne Keńsaı shaǵyn aýdandarynda sýmen jabdyqtaý ortalyqtandyrylmaǵan jáne sý kózi joq.
Elektrmen turaqty qamtamasyz etý, ásirese Keńsaı men Kamenskoe plato shaǵyn aýdandarynda ózekti máselelerdiń biri bolyp qala beredi, dep atap ótti qala ákimi Erbolat Dosaev.
Elektr jelilerin qaıta qurý jumystary júrgizilýde. Jyl sońyna deıin 11 transformatorlyq qosalqy stansıa men 35 km elektr jelisin qaıta qurý josparlanýda.
Nátıjesinde Keńsaı jáne Kamenskoe plato shaǵyn aýdandarynda elektrmen qamtamasyz etý 60% - dan 85% - ǵa deıin artady.
Qalǵan qamtylmaǵan ýchaskeler boıynsha shilde aıynyń sońyna deıin tehnıkalyq aýdıt júrgiziledi. Nátıjesinde eski taratý jáne transformatorlyq qosalqy stansıalardy jańasyna aýystyrý úshin qarjylandyrý máseleleri qaralady.