Qazaqstanda Prezıdenttik jastar kadr rezervine tórtinshi irikteý bastaldy
2025 jyldyń 1 shildesinen bastap Qazaqstanda Prezıdenttik jastar rezervine irikteýdiń tórtinshi – jańa kezeńi bastalmaq. Daryndy jastar osy baǵdarlama arqyly ózin kórsetip, memlekettik qyzmette karera jasaı alady. Almatynyń óńirlik komýnıkasıalar qyzmetinde ótken pres-konferensıada, Qazaqstan Respýblıkasynyń Memlekettik qyzmet isteri agenttigi Departamentiniń basshysy Maqsat Jańbyrshın aldaǵy irikteý jumysynyń barysyn, onyń kezeńderin, kvotalar men ózgeristeri jaıly aıtty.
Prezıdentimizdiń bastamasymen qurylǵan Prezıdenttik jastar rezervi daryndy, jańasha oılaıtyn jastardy memlekettik basqarýǵa tartýdy kózdeıdi.
Baǵdarlama bastalǵaly beri irikteý jumysy úsh ret – 2019 jyly, 2021 jyly jáne 2023 jyly ótken. Oǵan 60 myńnan astam jastar qatysyp, olardyń ishinen 400 (2019 jyly -300, 2001, 2023 jyly – 50) adam Rezervke iriktelip alyndy. Olardyń shamamen 80 paıyzy, ıaǵnı 318-i memlekettik organdar men ártúrli uıymdarǵa jumysqa ornalasqan.
2025 jyly tórtinshi ret irikteý jumysy ótpek endi. Onyń basty ereksheligi – kandıdattardy sala-salaǵa birdeı etip bóledi. Ár baǵytqa kvota beriledi. İrikteý jumysy da barynsha qatań bolmaq.
Kandıdattarǵa qoıylatyn jalpy talap ózgergen joq:
• 35 jasqa deıingiler,
• Joǵary bilimi bolýy,
• Joq degende bes jyl jumys ótili bolýy,
• Qazaq tilin B1 deńgeıinen kem bilmeýi.
İrikteýge qatyspaıtyndar
• Prezıdenttiń ózi taǵaıyndaǵandar,
• Saıası qyzmetkerler,
• «A» korpýsyndaǵy ákimshilik qyzmetkerler,
• Kadrlyq rezervke kirip úlgergender.
İrikteý jumysy 2025 jyldyń shilde aıynan qazan aıyna deıingi aralyqta alty kezeń boıynsha ótedi:
I kezeń (1–30 maýsym):
Arnaýly aqparattyq júıe arqyly onlaın qujat qabyldaý.
II kezeń (2–3, 9–10 tamyzda):
Sandyq jáne mátindik aqparatpen jumys isteı alatyn qabyletin baǵalaý. Kandıdattardyń barlyǵy talap boıynsha mátindik tekstten ótedi. Ár saladan úzdik shyqqandardyń 50 paıyzy sandyq tekst tapsyrady.
Sońyna qaraı 600 kandıdat kelesi kezeńge ótedi. (Ár saladan joq degende 100-den kandıdat ótpek).
III kezeń (16–17 tamyzda):
Onlaın-esse formatynda tapsyrma oryndaıdy. Sońyna taman 300 kandıdat kelesi kezeńge ótip, qarym- qabiletine baǵa beredi.
IV kezeń (22 tamyz ben 3 qazan aralyǵy):
Qos kezeńnen turatyn qabiletine baǵa berý is-sharasy.
• Assessment-ortalyq (22–28 tamyz) Memlekettik basqarý akademıasynda ótedi. Lıderlik jaǵyna, saraptaı alatyn, adamdy ılandyra alatyn qabileti men belsendiligine qaraıdy,
• HR-menedjermen qabiletin tekseretin suqbat alý (23–28 qyrkúıekte). Sońynda 150 kandıdat ary qaraı qatysady
V kezeń (8–15 qazan):
Eksperttik komısıada suqbattasyp shyqqan soń, júzge jýyq kandıdat qana qalady. Osylardyń tizimin keıin Ulttyq komısıaǵa usynady.
VI kezeń (25 qazanǵa deıin):
Ulttyq komısıa eń úzdik 50 kandıdatty Prezıdenttik jastar rezervine qabyldaý týraly sheshim shyǵarady.
Pres-konferensıanyń sońynda Maqsat Jańbyrshıev jastarǵa arnap sóz sóıleıdi:
«Búgingi aqparattyq alańdy paıdalanyp, jastardy elge adal qyzmet etip, osy irikteýge atsalysýǵa shaqyramyn. Memlekettik apparatqa bilimdi, eńbekqor, Otan aldyndaǵy mindetin túsinetin jastar kerek. Agenttiktiń bir mindeti de – memlekettik qyzmetkerlerdiń jańa, kásibı býynyn qalyptastyrý», - dep atap ótti ol.
Qujatty Almatydaǵy Dostyq dańǵyly – 134 mekenjaıynda (505 kabınet), Qazaqstan Respýblıkasynyń Memlekettik qyzmet isteri agenttiginiń aýmaqtyń Departamentinde qabyldaıdy. Telefony: (727) 254 90 31, (727) 254 90 29.
Prezıdenttik jastar rezervi – Qazaqstannyń bolashaǵyn birge qalasatyn jas mamandarǵa jasalǵan úlken múmkindik. İrikteý bastaldy. Bul oǵan qatysatyn adamnyń memlekettik qyzmettegi alǵashqy qadamy bolmaq.