Kúres Mońǵolıa astanasy Ulan-Batorda ótip jatyr.
Qazaqstandyq sportshy Jámıla Baqbergenova áıelder kúresinen Azıa chempıony atandy, dep habarlaıdy Almaty-akshamy.kz Olympic.kz silteme jasap.
Ulan-Bator bozkileminde ol 72 keli salmaq dárejesinde qarsylas shaq keltirmedi. «Dóńgelek aınalym» júıesi boıynsha ótken básekede otandasymyz qarsylastarynyń bárin jeńdi. Atap aıtqanda, ol Davaanasan Enhamar (Mońǵolıa), Svetlana Oknazarova (Ózbekstan), Nıkkı Nıkkı (Úndistan) men Sýmıre Nııkýra (Japonıa) syndy myqty balýandardyń jaýyrynyn jerge tıgizdi.
Nátıjesinde áıelder kúresinen Qazaqstan quramasynyń qorjynyna ekinshi altyndy saldy. Jarystyń alǵashqy kúninde onyń syńary Madına Baqbergenova 68 keli salmaqta top jarǵan bolatyn.
Aıta keterligi, kúres túrlerinen Azıa chempıonaty Mońǵolıa astanasy Ulan-Batorda ótip jatyr. Áıelder kúresinen kezdesýler dóńgelek aınalym júıesi boıynsha ótýde. Sportshylar ózderiniń salmaq dárejesinde barlyq balýandarmen ár aınalymda beldesip, jeńimpazdy anyqtaıdy. Jámıla atalǵan júıe boıynsha barlyq qarsylasyn birdeı jeńip, ýaqytynan buryn altynǵa qol jetkizdi. Bul - Jámıla Baqbergenovanyń Azıa chempıonatyndaǵy ekinshi altyny. Ol buǵan deıin 2020 jyly Nú-Delıde ótken Azıa chempıonatynda úzdik atanǵan.