Djazdy baǵalaıtyndar kóbeıgen.
Almatyda Halyqaralyq jaz festıvali bastaldy. 24 sáýirge deıin jalǵasatyn mádenı sharaǵa Izraıl, Fransıa, Vengrıanyń jáne otandyq jaz janrynyń mýzykanttary qatysady, dep habarlaıdy Almaty-akshamy.kz Almaty.tv.
Máselen, alǵashqy kúngi konsert shymyldyǵy Izraıl ónerpazdarynyń oryndaýyndaǵy týyndymen ashyldy. Sahnada jazsúıer qaýym arasynda keńinen tanymal Guy Mintus trıosy óner kórsetip, kórermendi erekshe kúıge bóledi. Aıta ketý kerek, top oryndaǵan shyǵarmalar túrik maqamy, úndi stılinde bir-birine uqsamaıdy.
«Qazaqstanda alǵash ret 3 jyl buryn óner kórsettim. Mundaǵy aýdıtorıa qatty unaıdy. Jylda kelýge daıynbyz. Búgin klasıkalyq jaz áýenin oryndaımyz. Sondaı-aq jazǵa ıkemdelgen kompozısıa usynylady», – dedi «Guy Mintus» trıosynyń kóshbasshysy Gaı Mıntýs.
Jaz janry - elimizde kenje damyp kele jatqan óner túri. İs-sharanyń maqsaty – el arasynda, ásirese, jastarǵa osy mýzyka baǵytyn keńinen taratý, nasıhattaý. Festıvál barysynda sheteldik tájirıbeli mýzykanttar Almaty jaz mektebindegi oqýshylarǵa arnap sheberlik saǵatyn ótkizbek. Uıymdastyrýshylar 20 jyldyń ishinde jurttyń jazǵa degen qyzyǵýshylyǵy artqanyn aıtady.
«Iá, alǵashqy jyldarmen salystyrǵanda jazdy baǵalaıtyndar kóbeıgen. Qol shapalaqtap, bizben birge óner kórsetedi. Barynsha erkin tamashalaıdy. Pandemıa kesirinen festıvál birneshe jyl qatarynan ótpeı qaldy. Sharany uıymdastyrýǵa qoldaý kórsetken Almaty ákimdigine rahmet», – dedi «Almaty jaz merekesi» festıvaliniń uıymdastyrýshysy Tagır Zarıpov.