Senator Talǵat Júnisovtyń aıtýynsha, buǵan deıin elimizde eń tómengi jalaqyny belgileý men tóleýge qatysty talaptar engizildi, dep habarlaıdy aqshamnews.kz
Senat depýtattary eń tómen jalaqyny belgileıtin konvensıany ratıfıkasıalaý týraly zańdy maquldady.
Senator Talǵat Júnisovtyń aıtýynsha, buǵan deıin elimizde eń tómengi jalaqyny belgileý men tóleýge qatysty talaptar engizildi. Sonyń barlyǵy halyqaralyq konvensıaǵa saı keledi.
"Máselen, elimizdegi eń tómen jalaqyny úkimet jyl saıyn belgileıdi jáne bul eńbek zańnamasynda bekitilgen. Osylaısha, qoldanystaǵy zańnama konvensıanyń erejelerine sáıkes keledi dep aıtýǵa negiz bar. Al qaralyp otyrǵan konvensıany ratıfıkasıalaý Qazaqstanda qyzmetkerlerdi negizsiz tómen jalaqydan qorǵaýdy qamtamasyz etýge, áleýmettik ádilettilikti nyǵaıtýǵa jáne ornyqty áleýmettik-ekonomıkalyq damýǵa yqpal etetin bolady", - dedi Júnisov senattyń búgingi otyrysynda.
Konvensıanyń negizgi qaǵıdattary:
eń tómen jalaqy júıesin engizý;
eń tómen jalaqyny anyqtaý kezinde qyzmetkerlerdiń ekonomıkalyq faktorlary men qajettilikterin esepke alý;
eńbekaqy tóleý salasyndaǵy dıskrımınasıaǵa tyıym salý.
Aıta keteri, Qazaqstanda eń tómengi jalaqynyń qazirgi mólsheri 85 000 teńgeni quraıdy. Onyń kólemi kelesi jyly ózgermeıdi.