Jyl basynan beri İshki ister mınıstrliginiń jedel qyzmetteri izdeýde júrgen 300-den astam qylmyskerdi ustady.
Sondaı-aq habar-osharsyz ketken 200-den astam adamdy anyqtady, dep habarlaıdy Almaty-akshamy.kz Polisia.kz-ke silteme jasap.
«Máselen, Pavlodar oblysynyń kentteriniń birinde jedel-izdestirý is-sharalaryn júrgizý kezinde pavlodarlyq turǵyndy atys qarýymen atyp óltirgeni úshin 2011 jyldan beri halyqaralyq izdeýde júrgen Danat Bakıbaev ustaldy. Almaty oblysynda Sabyrjan Masahbaev ustaldy. Ol 2023 jyldyń aıaǵynda Almatyda top quramynda bola otyryp, aldyn ala sóz baılasý arqyly Sıngapýr azamatyna shabýyl jasap, 3 mln teńge men 13 myń AQSH dollarynan astam somada aqshany tartyp alǵan. Ustalǵan adamnyń sybaılastary buryn quryqtalǵan. Túrkistan oblysynda polısıa 10 jyl boıy halyqaralyq izdeýde júrgen Ózbekstan azamaty Jamshıd Ahmedovty ustady. Sheteldik Saryaǵash aýdanyndaǵy “Jibek joly” shekara beketinde shekaradan ótý kezinde qamaýǵa alyndy. Er adam 2014 jyldan bastap Reseı Federasıasynyń Irkýtsk qalasynda kisi óltirgeni úshin izdeýde boldy. İİM jedel bólinisteriniń qyzmetkerleri Shymkentte kórshi memlekettiń quqyq qorǵaýshylarymen alaıaqtyq jasaǵany úshin izdeýde júrgen taǵy bir ózbekstandyq Marýfjon Jýraevty ustady», – dedi QR İİM krımınaldyq polısıa departamenti basqarma bastyǵynyń orynbasary Jangeldi Tabılov.
Aıta ketý kerek, İshki ister organdarymen júrgiziletin izdestirý jumystary jasalǵan qylmys úshin jazanyń bultartpastyǵyn qamtamasyz etýdi kózdeıdi.