Italıada 250 myń jolaýshy dittegen jerine ýaqytynda jete almaı, álekke tústi.
Oǵan áýejaı qyzmetkerleriniń ereýili sebep. Narazylyq aksıasy saldarynan júzdegen reıs ýaqytynda ushpaǵan, dep habarlaıdy Almaty-akshamy.kz 24.kz-ke silteme jasap.
Birer kún buryn elde temir jol qyzmetkerleri ereýil uıymdastyrǵan edi. Báriniń talaby bir - ashynǵan jurt jalaqysyn kóterýdi suraıdy.
Italıa kólik mınıstri narazy topty aqylǵa shaqyryp otyr. Óıtkeni qazir demalys maýsymy. Tıisinshe ereýilder ári-beri qatynaǵan jolaýshylarǵa óz kesirin tıgizedi.
"Jolaýshylarǵa qolaısyzdyq týǵyzǵanymyz ókinishi. Bizdiń maqsatymyz basqa. Biz eńbek mınıstri máselege nazar aýdarǵanyn qalaımyz. Al ondaǵylar bolsa, eskertýimizge qaramastan, kelissózderge kónbeı, ereýilge bir kún qalǵanda ǵana bizdi kezdesýge shaqyrdy. Olar buǵan deıin qaıda boldy?" - deıdi kólik odaǵynyń ókili Sara Dı Marko.