WhatsApp messendjerinde belgisiz bireýler ulyn urlamaq bolǵany týraly aıtqan áıeldiń aýdıohabarlamasy tarap jatyr. Osyǵan qatysty QR İshki ister mınıstrligi túsinik berdi, dep habarlaıdy Almaty-akshamy.kz Inform.kz-ke silteme jasap.
Betperde taqqan er adam balaǵa kámpıt usynyp, ony ishinde birneshe kisi otyrǵan qara kólikke otyrýǵa shaqyrǵan-mys. Áıeldiń aıtýynsha, uly qaskúnemderden qashyp úlgergen, degenmen ol polısıaǵa baryp, oqıǵanyń mán-jaıyn habarlamaq.QR İİM málimetinshe, bul aqparat tekserildi jáne onyń shynaıylyǵy rastalǵan joq.
«Polısıaǵa mundaı aryzdar túsken joq. Sondaı-aq habarlamada áıel osylaı áreket etetin áldebir banda týraly aıtady. Alaıda tártip saqshylaryna pedofılder toby týraly da habarlanǵan joq. Aýlalardy aralap, balalardy urlaıtyn er adamdar toby týraly aqparat ta – eski feık – dedi vedomstvonyń baspasóz qyzmetinen.