Qyzylorda qalalyq qoǵamdyq keńes tóraǵasy Serik Dúısenbaev qyrkúıektiń alǵashqy kúninde el Prezıdenti Qasym-Jomart Toqaevtyń Qazaqstan halqyna joldaǵan Joldaýy elimizdiń bolashaq damýy men erteńgi kúnge betburysyn aıqyndap bergenin aıtady. Bul týraly Almaty-akshamy.kz Kyzylorda-news.kz-ke silteme jasap habarlaıdy.
«Memleket basshysy Qasym-Jomart Kemeluly Toqaev Parlamenttiń birlesken otyrysyna qatysyp, Qazaqstan halqyna Joldaý jasady. Bul Joldaý elimizdiń bolashaq damýy men erteńgi kúnge betburysyn aıqyndap berdi. Barlyq baǵyttardyń damýy, el taǵdyry úshin asa mańyzdy. Qazaq halqynyń árbir azamatynyń kókeıinde júrgen máseleni sheshý jolyna arnalǵan jańa Joldaý, el damýy men halqymyzdyń ómirinde birshama jańashyldyqtyń bolatynyn kórsetip bergendeı.
Qandaı zaman, qaı qoǵam bolmasyn bilim alýdy eshqashan shetke ysyryp qoıǵan emes. Qazirgi qoǵam - bilimdi jastardyń qoǵamy. Basty nazardy jasóspirimderdiń sport pen shyǵarmashylyq turǵyda bilim alýyna jaǵdaı jasaýǵa jumsaýdy tapsyrdy. Sonymen qatar Prezıdentimiz «Jaıly mektep» ulttyq jobasyn júzege asyrýdy tapsyryp, mektepke deıingi bilim beretin ustazdardyń eńbekaqysyn kóterý qajettigin atap ótti.
Bul Joldaýdyń mán-mańyzy aıryqsha. Onyń arqalaıtyn júgi bir kún nemese bir jylmen shektelmeıdi, aýqymy keń, mazmuny da bólek. Memleket basshysy aldaǵy ýaqytta Qazaqstan jańa reformaly memleketke aınalatynyn, Parlament pen máslıhattar jumysy júıelenetinin atap ótti. Sondaı-aq, Prezıdent sot júıesin jańartyp, reformalaý qajettigin qadap aıtty. Jáne de quqyq salasynda adal, ádiletti ári jemqorlyqtan ada mamandardy tartyp, halyqtyń senimine ıe bolý tusyn basty nazarǵa alý kerektigin tilge tıek etti.
Qasym-Jomart Toqaevtyń negizgi saıası ustanymdarynyń biri – ashyqtyq jáne qoǵammen tyǵyz qarym-qatynas ornatý. El azamattaryn, otanymyzdyń aldynda adal qyzmet etýge, abyroıly is jasaýǵa, tereń bilim alyp, erinbeı eńbek etýge shaqyrady. Joldaýda aıqyndalǵan baǵyttar óńirimizdiń ekonomıkalyq ósimin jedeldetip, halyqtyń ál-aýqatyn jaqsartýda mańyzdy ról atqaratyny sózsiz. Eń bastysy – elimizdiń egemendigi. Shyn máninde, biz úshin Qazaqstannyń táýelsizdigi bárinen qymbat. Sondyqtan da qoǵamnyń áleýmettik birligin nyǵaıtý úshin jigerimizdi janyp, zor yntamen iske kirisýimiz qajet.
Endeshe eldiń erteńine alańdaǵan el prezıdentiniń jańa bastamalaryna qoldaý bildirip, júktegen mindetterge jaýapkershilikpen qarap jáne onyń oryndalýyna biz de birlese atsalysaıyq!
Jańa Qazaqstanǵa, Ádiletti Qazaqstanǵa nyq qadammen aıaq basaıyq!», - deıdi Serik Dúısenbaev.