Internet óshirilmeıdi: QR İİM jelide taraǵan habarlamaǵa qatysty túsinikteme berdi, dep habarlaıdy Almaty-akshamy.kz
Qazaqstandyqtar áleýmettik jelide elimizdiń iri qalalarynda 25 qazanda ınternettiń óshetindigi týraly aqparat taratýda. QR İİM bul aqparattyq habarlamany feık dep atady, dep habarlaıdy Zakon.kz.
İshki ister mınıstrliginde 25 qazanda Qazaqstanda ınternetpen úzilis bolady dep málimdeıtin taratý avtoryn izdeýde.
"Aqparat shyndyqqa janaspaıdy. İshki ister organdary jalǵan habarlama taratýshyny izdestirý boıynsha sharalar qabyldap jatyr. QR İİM azamattardy arandatýshylyqqa berilmeýg shaqyrady jáne Qylmystyq kodekstiń 274-babyna sáıkes kórineý jalǵan aqparat taratqany úshin qylmystyq jaýapkershilik qarastyrylatynyn eskertedi", - dep habarlady vedomstvodan.
2023 jyly 17 qazanda áleýmettik jelide polısıa kólikteriniń kolonnasy túsirilgen vıdeo tarady: rolık avtorlary "Qazaqstannyń quqyq qorǵaý organdary 25 qazandaǵy mıtıńige daıyndalyp jatqanyn aıtady. Bul qaýesetterge QR İshki ister mınıstriniń orynbasary Igor Lepeha túsinikteme berdi. Ol el aýmaǵynda qyzmeti zańsyz "Qazaqstannyń demokratıalyq tańdaýy" ekstremıstik uıymynyń músheleri kópti mıtıńige shyǵýǵa shaqyratynyn atap ótti. Onyń aıtýynsha, İİM QDT múshelerine elimizde mıtıńi ótkizýine ruqsat bermeıdi.