Baǵdarlama otandyq óndirýshilerdi qoldaý maqsatynda ázirlengen.
Indýstrıalandyrý kartasyn damytýdyń kelesi kezeńi tanystyryldy. Baǵdarlama ishki naryqty otandyq óndiristiń básekege qabiletti taýarlarymen tolyqtyrýǵa, keıinnen eksportqa shyǵarýǵa baǵyttalǵan. Bul týraly OKQ-da ótken brıfıńte IIDM komıtetiniń basshysy İlıas Ospanov aıtty, dep habarlaıdy Almaty-akshamy.kz Inbusiness.kz silteme jasap.
Qazir taýar pozısıasynda 761 ataý, mashına jasaý salasynan 94 ataý kózdelgen.
«Fıskaldyq zattar, monetarlyq damý, adamı kapıtal, tarıftik jáne tarıftik emes retteý baǵytynda 46 júıeli kóldeneń is-sharalar ázirlendi, olar jumys istep turǵan kásiporyndarǵa yntalandyrý sharasyn alyp qana qoımaı, jańa jobalardy damytýǵa jáne jańa óndiristik qýattardy qurýǵa múmkindik beredi»,- deıdi İlıas Ospanov.
Baǵdarlamanyń jańashyldyqtarynyń biri ekinshi deńgeıdegi bankterden qarjylandyrýdy damytýǵa bolady.
«Baǵdarlamany júzege asyrýǵa memlekettik búdjetten 9 jyl ishinde 1,9 trln teńge bólý josparlanǵan. Jalpy, óńdeý ónerkásibin damytý jónindegi barlyq saıasatty shoǵyrlandyra otyryp, Úkimet basym jobalardy, onyń ishinde mashına jasaýdy qarjylandyrý úshin ónerkásip qoryn qurdy. Bizde buryn «Damý» qory, QDB belsendi jumys istegenin aıta ketken jón, biraq aıtarlyqtaı nátıje ala almadyq. Osyǵan baılanysty óńdeý ónerkásibi úshin arnaıy ónerkásipti damytý qory quryldy. Osy jyldyń ózinde 250 trln teńgege jeńildetilgen sharttarmen jobalardy qarjylandyrdy. Árıne, SHOB-qa basymdyq beriledi. Biz SHOB beldeýin quramyz: oń jaǵynan – shıkizat óndirýshiler, sol jaǵynan - osy shıkizattan daıyn ónim jasaǵysy keletin áleýetti joba, al tómennen ol qordan aqshamen kúsheıtiledi. Daıyn ónimdi eksportqa shyǵara otyryp, ımportty almastyrý úshin pýl quryldy. Bul ındýstrıalandyrý kartasyn damytýdyń kelesi kezeńi. Bul pýlda qazir 70-ten astam joba bar, olar ár joly jańartylyp otyrady. Olardyń árqaısysy - premer-mınıstr men mınıstrdiń jeke baqylaýynda», - dep atap ótti spıker.
Jobalardyń 12%-y mashına jasaý boıynsha, olardyń somasy 1,5 trln teńgeden asady. Osy joba aıasynda jańa ónimder shyǵarylady: jeńil jáne júk avtomobılderiniń, avtobýstardyń shanaǵynyń bólshekteri, avtomobıl shınalary, turmystyq tehnıka, alúmını jáne bıometrıalyq jylytý radıatorlary, joǵary vóltty vakýmdyq avtomatty qosqyshtar, refrıjeratorlar, medısınalyq jabdyqtar.
2022 jyly mashına jasaý boıynsha jalpy somasy 200 trln teńgege jýyq 22 joba josparlanyp otyr. 3500-ge jýyq jańa jumys orny qurylady. Jyl basynan beri 4 zaýyt iske qosyldy.