DDSU vaksınanyń úshinshi dozasyn maquldady
Dúnıejúzilik densaýlyq saqtaý uıymy ımýnıteti álsiz adamdarǵa arnalǵan koronavırýsqa qarsy ekpeniń úshinshi dozasyn usyndy, dep habarlaıdy Almaty-akshamy.kz
Egemen.kz basylymynyń habarlaýynsha, bul týraly Reuters saıty málimdedi.
Dúnıejúzilik densaýlyq saqtaý uıymy ımmýndaý boıynsha sarapshylardyń strategıalyq keńes toby ımýnıteti álsiz adamdarǵa qosymsha ekpe usynylýy tıis dep sanaıdy. Óıtkeni olarǵa «qalypty ekpe alý» jetkiliksiz bolýy múmkin ári COVID-19-dyń aýyr túrimen qaıta aýyrýy yqtımal.
«Bul usynys úshinshi ekpege arnalǵan jáne ımmýnogendilik pen ınfeksıa deregi bul adamdarǵa sáıkes kelmeıtinin kórsetetin dálelderge negizdelgen»,- dedi uıymnyń ımmýndaý bóliminiń basshysy Keıt O'Braıen.
Sarapshylar qytaılyq Sinovac nemese Sinopharm ekpelerin alǵan 60 jastan asqan adamdarǵa ekpeniń qosymsha dozasyn usyndy. Olar zertteý nátıjesine bul ekpeler egde jastaǵy toptarda «ýaqyt óte nashar jumys isteıtinin» kórsetti dep túsindirdi.
Táýelsiz sarapshylardan jınalǵan SAGE toby 11 qarashada ótetin dozalar týraly barlyq jahandyq derekterdi álsiz ımýnıtetke qatysty suraqtar aıasynda qarastyrýdy josparlap otyr.
Aı saıyn búkil álemde shamamen 1,5 mıllıard doza qoljetimdi, bul jyl sońyna deıin ár eldiń 40 paıyzyna ekpe salý maqsatyna jetý úshin jetkilikti, biraq birkelki júzege asyp jatqan joq. Sondyqtan keńes toby eń aldymen egde jastaǵy adamdarǵa eki dozamen salýǵa basa nazar aýdarý kerek ekenin atap ótti.
Buǵan deıin DDU bas dırektory Tedros Adhanom Gebreıýs revaksınasıaǵa ýaqytsha moratorıı jarıalaýǵa shaqyrǵan bolatyn. Onyń aıtýynsha, álemniń baı jáne kedeı elderi arasynda ekpe salýdyń birkelki bolmaýy saldarynan moraldyq apat aldynda tur.