2021 jylǵy 23 qazanda Almaty qalalyq onkologıalyq ortalyǵynda sút beziniń qaterli isigin aldyn ala anyqtaý jáne onyń aldyn alýǵa arnalǵan Ashyq esik kúni ótkiziledi, dep habarlaıdy almaty-akshamy.kz
Qabyldaý Papanın kóshesi, 220, Lıter A mekenjaıynda jetekshi mammolog-onkolog mamandardyń qatysýymen saǵ 09.00-13.00 aralyǵynda júrgiziledi.
Barlyq saýaldaryńyz boıynsha 8(727)-312-24-74 telefony arqyly habarlassańyzdar bolady.
Búgingi kúni sút beziniń qaterli isigi Qazaqstandaǵy onkologıalyq aýrýlardyń kóptep kezdesetin túri bolyp tabylady. Atalmysh aýrý - áıel qaýymǵa tán aýrýdyń biri.
Aıta ketetin jaıt, sút beziniń qaterli isigi Almaty qalasynda statısıka boıynsha birinshi orynda tur, al, ólimge ákelý saldary boıynsha ekinshi orynda.
Almaty qalasynda 9 aıdyń ishinde 514 áıelde sút beziniń isigi anyqtalǵan. Sol sebepti, sút beziniń qaterli isigin ýaqytynda anyqtaý úshin mamandar mammografıa skrınınginen ótý týraly keńes berýde.
Elimizde sút beziniń qaterli isigi boıynsha skrınıngten ótý múmkinshiligi eki jylda bir ret 40 jastan 70 jasqa deıingi áıelderge qarastyrylǵan.
Dárigerlerdiń aıtýynsha, aldyn ala dıagnostıkalanǵan isikti tolyǵymen emdeýge bolady. Al, aýrýdyń belgisi kesh anyqtalǵanda, sońǵy deńgeıdegi asqynǵan derttiń taralyp ketýi múmkin jáne ony emdeý qıynǵa túspek.
Sizdiń densaýlyǵyńyz óz qolyńyzda!