Almatyda tártipsizdik kezinde zardap shekken shaǵyn jáne orta bıznes nysandaryna keltirilgen zalaldy anyqtaý jónindegi komısıa jumysyn jalǵastyrýda.
Bul týraly Óńirlik komýnıkasıalar qyzmetiniń onlaın-brıfınginde qala ákiminiń orynbasary İlıas Óserov málimdedi, dep habarlaıdy Almaty-akshamy.kz
«54 ákimshilik ǵımarat pen qurylys 15,6 mlrd teńgege zardap shekti. Polısıanyń, órt sóndirýshilerdiń jáne basqa da memlekettik uıymdardyń materıaldyq-tehnıkalyq bazasyn qalpyna keltirý úshin shamamen 8,6 mlrd teńge qajet bolady. Quqyq qorǵaý organdary men komýnaldyq qyzmetterdiń 260 kólik quraly, 2,1 mlrd teńge somaǵa jeke jáne zańdy tulǵalardyń 155 avtomobıli búlingen nemese órtengen», - dep habarlady İlıas Óserov.
Onyń aıtýynsha, qalada 1600-ge jýyq bıznes sýbektisi 66,5 mlrd teńgege zardap shekken.
Úkimettik komısıa zardap shekken SHOB sýbektilerine keltirilgen zalaldy óteý tetiginiń jobasyn ázirledi. İ.Óserovtyń aıtýynsha, qala ákimdigi qarjylyq jáne ózge de qoldaý sharalaryn pysyqtaýda.
Ákimniń orynbasary Open Almaty qoǵamdyq qabyldaý bólmesiniń bazasynda jedel jeli jumys isteıtinin eske saldy: 1308 jáne qalalyq 338-33-88.