Zalaldy óteý qoldaý qorynyń qarajatynan júzege asyrylady.
Bul týraly Almaty ákiminiń orynbasary İlıas Óserov Óńirlik komýnıkasıalar qyzmeti alańynda ótken onlaın brıfıń barysynda zardap shekken kásipkerlerdiń suraqtaryna jaýap bere otyryp málimdedi, dep habarlaıdy Almaty-akshamy.kz
Spıker polısıa ókilderinen tirkeý talonyn alǵan, biraq rastaıtyn qujattary joq kásipkerlerge keltirilgen zalaldyń mólsherin baǵalaıtyn aýdandyq komısıaǵa júginý qajet ekenin atap ótti.
«Zalaldy baǵalaýdy quramyna táýelsiz baǵalaýshylar, aýdıtorlyq kompanıalar, «Atameken» kásipkerler palatasy jáne t.b. kiretin aýdandyq jumys komısıalary júrgizedi», - dep naqtylady ákim orynbasary.
Onyń aıtýynsha, ótinishti qaraý jáne sheshim qabyldaýdy óńirlik komısıa bes kún ishinde júzege asyrady. Osydan keıin óteý úshin sheshim jobasy ázirlenedi jáne aqsha qarajaty úsh kún ishinde ótinish berýshiniń aǵymdaǵy nemese Jınaq shotyna aýdarylady.
Bekitilgen tetikke sáıkes, keltirilgen zalaldy óteý jergilikti atqarýshy organdardyń nemese zardap shekken bıznesti qoldaý qorynyń «Kúsh birlikte» qarajatynan júrgiziletin bolady.
İlıas Óserov kólik, ekspedısıalyq jáne osyǵan uqsas qyzmetterdi kórsetetin kompanıalar avtokólik urlanǵan nemese búlingen jaǵdaıda aýmaqtyq polısıa bólimshesine júginýi kerek ekenin aıtty.