Onyń aıtýynsha, bes aı ishinde Almaty ekonomıkasynyń barlyq salalary bıik mejeden kórindi.
Óńirlik komýnıkasıalar qyzmetiniń alańynda 14 maýsymda Almaty ákiminiń orynbasary İlıas Óserov aǵymdaǵy jyldyń basynan bergi áleýmettik-ekonomıkalyq damýdyń negizgi qorytyndylary týraly aıtty, dep habarlaıdy Almaty-akshamy.kz.
İlıas Óserov atap ótkendeı, 2020 jyldyń qorytyndysy boıynsha, Almaty JİÓ-niń 19,7%-yn qurady jáne el ekonomıkasyna qosqan úlesi boıynsha kóshbasshy bolýda.
2021 jyldyń bes aıynda ekonomıkanyń barlyq negizgi salalary, máselen ónerkásip (+19,7%), qurylys (+24,7%), baılanys qyzmetteri (13,4%), saýda (+4,7%) turaqty ósý qarqynyn kórsetýde.
Almaty ákiminiń orynbasary jergilikti atqarýshy organdardyń basty mindeti ınvestısıalyq tartymdylyq pen qalanyń turaqty damýynyń negizi retinde ekonomıkanyń básekege qabilettiligi úshin neǵurlym tıimdi jaǵdaılar jasaý ekenin atap ótti.
«Investısıalar aǵyny – bul ekonomıkanyń turaqtylyq kórsetkishi. Búginde Almaty ınvestahýal boıynsha kóshbastaýshy reıtıńine ıe. Qala Búkilálemdik banktiń sýbulttyq reıtıńi boıynsha bıznes júrgizý jóninen Qazaqstannyń barlyq óńirleriniń arasynda birinshi orynda tur. Investısıalyq tartymdylyq jyl saıyn artyp keledi», – dedi İlıas Óserov.
Ol negizgi kapıtalǵa salynǵan ınvestısıalar kóleminiń 32%-dan astamǵa óskenin aıtty. Investısıalardyń ósýiniń negizgi kózi – kásiporyn ıeleriniń qarjysy.
Investısıa tartýdaǵy oń dınamıka jyljymaıtyn múlikte (56,8%), kólik jáne qoımalaý (82,4%) salalarynda baıqalady, tartylǵan ınvestısıalardaǵy olardyń jalpy kólemi 60,5%-dy quraıdy.