Qalada óńdeý ónerkásibiniń kóptegen salalarynda dınamıkalyq ósý baıqalady.
Bul týraly Óńirlik komýnıkasıalar qyzmeti alańynda Almaty ákiminiń orynbasary İlıas Óserov málimdedi, dep habarlady Almaty-akshamy.kz.
Mysaly, Almatyda sýsyndar óndirisiniń kólemi 4%-ǵa deıin, qaǵaz jáne qaǵaz ónimderi 21%-ǵa deıin, rezeńke men plasmassa buıymdary 79,2%-ǵa deıin, metal emes basqa mıneraldy ónimder 27,4%-ǵa deıin, daıyn metal buıymdary 92,3%-ǵa deıin ulǵaıdy.
İlıas Óserov qalanyń Indýstrıaldy aımaǵynda "Húndaı" zaýyty ashylǵanyn, onyń ótken jyly 6,5 myńnan astam avtokólik shyǵarǵanyn habarlady. 2021 jyldyń basynan beri 9,7 myńnan astam avtomobıl shyǵaryldy. Qala ákimi orynbasarynyń aıtýynsha, Almatyda mashına jasaý kólemi 5 esege jýyq ósti.
Polıgrafıalyq qyzmet 25,6%-ǵa deıin, sondaı-aq jeńil ónerkásip 60,5%-ǵa deıin joǵary ósý qarqynyn kórsetti.
İlıas Óserov Almatynyń saýda salasynda da kóshbasshy ekenin aıtty.
"Qala eldiń bólshek saýda aınalymynyń 31,6% jáne kóterme saýda aınalymynyń 40,5% qurady. Bólshek saýdada keń assortımenttegi taýarlar satylymynyń 48,7%-ǵa, kıim men aıaq kıimniń 4,8%-ǵa, avtomobılder men qosalqy bólshekterdiń 4,5%-ǵa, qurylys materıaldarynyń 4,9%-ǵa, kompúterlerdiń 9,8%-ǵa, farmónimderdiń 9,3%-ǵa óskenin aıtty", - dep atap ótti Almaty ákiminiń orynbasary İ. Óserov.
Kóterme saýdada dızel otynyn satý 1%-ǵa, avtomobılderdi satý 3,1%-ǵa, qurylys materıaldaryn satý 3,3%-ǵa, keń assortımentti taýarlardy satý 19,1%-ǵa ulǵaıdy. İ. Óserovtiń pikirinshe, bul sala birtindep qalpyna kelýde ári 52 kóterme-bólshek bazarlary modernızasıalandy.