Sý qoımalarynyń kóbirek salynýy basqa memleketterge táýeldilikti azaıtady.
9 óńirde jalpy kólemi jylyna 3,6 mlrd. m3 bolatyn 39 jańa sý qoımasyn salý josparlanǵan. Bıyl Túrkistan oblysyndaǵy Keńsaı-Qosqorǵan sý qoımasynyń qurylysy aıaqtalady, dep habarlaıdy Almaty-akshamy.kz QR Ekologıa, geologıa jáne tabıǵı resýrstar mınıstrliginiń baspasóz qyzmetine silteme jasap.
«Sý qoımalaryn salý 70 eldi meken (137 myń adam) úshin sý tasqyny qaýpin azaıtýǵa, 394 myń ga jańa sýarmaly jerlerdi aınalymǵa engizýge, aýyl sharýashylyǵynda 129 myńnan astam jumys ornyn qurýǵa, transshekaralyq ózenderdiń sý kólemine táýeldilikti alyp tastaýǵa múmkindik beredi. Bul 30%-ǵa deıin Qyrǵyzstan, 25%-ǵa deıin Ózbekstan, 15%-ǵa deıin Reseı Federasıasyna táýeldilikti tómendetedi», - dedi Maǵzum Myrzaǵalıev.
Sýdy esepke alý boıynsha Memleket basshysynyń tapsyrmasyn oryndaý maqsatynda byltyr Túrkistan oblysy Maqtaaral aýdanynda uzyndyǵy on eki (12) km «K-19» magıstraldy kanalyn sıfrlandyrý boıynsha pılottyq joba iske asyryldy. Kanaldy sıfrlandyrýdyń arqasynda sý sýarý normalardan qyryq bes (45%) paıyzǵa kóp jumsalatyny anyqtaldy. Bıyl on alty (16) arna sıfrlandyrylady. Taıaýdaǵy bes jyl ishinde uzyndyǵy eki de segiz (2,8) myń km-den asatyn júz on toǵyz (119) arnany sıfrlandyrý josparda bar.
«Aýyz sýdy eldi mekenderge jetkizý bóliginde byltyr toptyq sý qubyrlary qurylysynyń on tórt (14) jobasy iske asyryldy, olardyń úsheýi aıaqtaldy. Nátıjesinde úsh júz qyryq úsh (343) km jeli salyndy. Almaty, Qyzylorda, Batys Qazaqstan oblystarynda júz jıyrma tórt jarym (124,5) myń halqy bar on bes (15) eldi meken men bir qalany sýmen jabdyqtaý qamtamasyz etilip jaqsardy. Bıyl uzyndyǵy segiz júz qyryq bes (845) km bolatyn segiz jobany aıaqtap, paıdalanýǵa berý josparlanýda. Aqmola, Aqtóbe, Qaraǵandy, Qyzylorda jáne Soltústik Qazaqstan oblystarynyń eki júz úsh (203) myń turǵyny bar alpys bir (61) eldi meken úshin sýmen jabdyqtaý qamtamasyz etilip jaqsartylady. Eki jyl ishinde on (10) UZAQ jyldarǵa sozylǵan QURYLYSTYŃ beseýin tapsyrdyq. Bıyl taǵy úsheýin aıaqtaımyz jáne kelesi jyly qalǵan ekeýin tapsyrý josparlanǵan» - dedi mınıstr.