36 ofıser qabyldanǵan
«Kez-kelgen er el qorǵaýǵa daıyn bolý kerek». Bul – otyz kún boıy áskerı polıgonda patrıottyq sezimin synap, sarbazdyq sertine adal qyzmet etip jatqan ofıserlerdiń urany. Eldiń Qorǵanys mınıstriliginiń qoldaýymen áskerı daıyndyq jumysy tórtinshi jyl ótip keledi, dep habarlaıdy Almaty-akshamy.kz Almaty.tv-ge silteme jasap.
Ofıserler 30 kúndik oqý jattyǵýda jedel taktıkalyq daıarlyqty, AKS 74, PM-9 tapanshysanan nysanaǵa kózdep atýdy úırenedi. Basty maqsat – Otanǵa qyzmet etý. № 61993 áskerı bóliminiń İle oqý polıgony bazasy 24-pen 50 jas aralyǵyndaǵy kez-kelgen Qazaqstan azamatyn áskerı urysqa jattyqtyrady.
«Bul jerge kelýdegi basty maqsatym biliktilikti arttyrý, áskerı shenin alý. Taktıkalyq oqý-jattyǵýdan biliktiligim kishkene az bolǵan. Qazir kóterildi, taǵy da jetildiremin», – dedi jaýynger-leıtenant Aıdyn Suranshıev.
Keńsesin kazarmaǵa aýystyryp, portfelin tastap polıgonǵa kelgen erikti ofıserler bundaı taktıkalyq daıarlyqtan árbir azamat ótýi kerek dep sanaıdy. Óıtkeni 2019 jyldan bastalǵan áskerı-jattyǵý jumystary kez-kelgen mamandyq ıesi qatysa alady.
«Otandy qorǵaý úshin eshqashan kesh temes. Meniń jasym elýde. Biraq QR Ata zańynda da aıtylǵandaı alpysqa kelseń de Otanyńdy qorǵaýǵa mindettisiń. Sondyqtan men de oqý-jattyǵý alańyndamyn», – dedi zapastaǵy maıor Dáýlet Asylbekov.
Bıyl bul oqý-jattyǵýǵa 36 ofıser qabyldanǵan. Olardyń jumys ornyna arnaıy anyqtama jiberilip, tipti jalaqysy da saqtalady eken. Bir aılyq daıyndyq bitkesin, ár azamat qaıta baryp jumysyn jalǵastyra alady.
«İle oqý polıgony bazasynda QR Qurlyq áskerı Desant shabýyldaýshy áskerleriniń qolbasshynyń basqarmasymen bekitilgen 26-shilde men 26- tamyz aralyǵynda áskerı jıyn ótkizý josparǵa saı ótip jatyr», – dedi № 61993 áskerı bólim komandıriniń orynbasary, podpolkovnık Rasýl Zakırov.
Áskerı qyzmet jáne áskerı qyzmetshilerdiń mártebesin arttyrýǵa baǵyttalǵan bastamada, 4 jyldyń ishinde 100-ge jýyq azamat áskerı daıyndyqtan ótken. Desantshy shabýyldaýshylar keler jyly da erikti azamattardy qabyldaýǵa daıyn.