Aksıa tamyz, qyrkúıek aıynda jalǵasady
Almatyda «Balalardy mektepke daıyndaımyz» respýblıkalyq aksıasy jalǵasyp jatyr, dep habarlaıdy Almaty-akshamy.kz Almaty.tv-ge silteme jasap.
İs-shara aıasynda qaladaǵy 2 myń oqýshyny qyrkúıek aıynyń sońyna deıin mektepke qajetti qural-jabdyqtarmen qamtamasyz etý josparlanǵan. Al búgin «AMANAT» partıasynyń uıymdastyrýymen Almaly aýdanynda kópbalaly jáne turmysy tómen otbasyna kómek kórsetildi. Bul aksıaǵa qatysýda megapolıstegi depýttar men kásipkerler belsendilik tanytyp keledi.
«AMANAT» partıasyna alǵysym sheksiz. Men kópbalaly anamyn. Kúmis alqa ıegerimin. Osylaı bizdi elep, kómektesip jatqandaryńyzǵa raqmet», – dedi kópbalaly ana Gaýhar Qanatqyzy.
«Almaty qalasy máslıhatyndaǵy «AMANAT» partıasy fraksıasynyń múshesi retinde osy aksıaǵa qatysyp otyrmyz. Bul respýblıkalyq is-shara. 2008 jyldan beri kele jatqan. Aksıa tamyz, qyrkúıek aıynda jalǵasady. Ár jyl saıyn 2000-2500 myń balaǵa sómke, kıim, mektep jabdyqtarymen qamtamasyz etip otyrmyz», – dedi qalalyq máslıhat depýtaty Baqytbek Jumabaev.