Jol-kólik oqıǵasynyń vıdeosy áleýmettik jelilerde paıda boldy
Búgin Qaraǵandy qalasynyń Prıshahtınsk aýdanynda qoǵamdyq kólik pen jeńil avtokólik soqtyǵysyp qaldy. Jol-kólik oqıǵasy saldarynan avtobýs balalar emhanasynyń qorshaýyn buzyp ótip, jaıaý ketip bara jatqan áıeldi basyp kete jazdaǵan, , dep habarlaıdy Almaty-akshamy.kz.
«11 tamyz kúni saǵat 9:00-de Qaraǵandyda 23-yqsham aýdannan 22-yqsham aýdan jaqqa qaraı kele jatqan jeńil avtokóliktiń 26 jastaǵy júrgizýshisi qarsy qozǵalys jolaǵyna shyǵyp ketip, jolaýshylar avtobýsymen soqtyǵysqan. Jol-kólik oqıǵasy saldarynan avtobýs medısınalyq mekemeniń qorshaýyn buzyp ótti. Bul kólik quralynyń salonynda úsh jolaýshy bolǵan. Olardyń biriniń qoly jaraqattandy, oǵan medısınalyq kómek kórsetildi», – dep habarlady Qaraǵandy oblysy PD baspasóz qyzmetinen.
Jol-kólik oqıǵasynyń vıdeosy áleýmettik jelilerde paıda boldy. Onda qatty jyldamdyqpen kele jatqan jeńil avtokólik qarsy jolaqqa shyǵyp ketip, jolaýshylar avtobýsymen soqtyǵysqanyn kórýge bolady. Aldyn ala málimetter boıynsha jeńil kólik júrgizýshisi rólge ıe bola almaı qalǵan.
Sondaı-aq, vıdeodan oqıǵa bolǵanǵa deıin birneshe sekýnd buryn balalar emhanasynyń aýmaǵynda bir áıeldiń ótip bara jatqanyn kórýge bolady. Ony avtobýs qaǵyp ketýi múmkin edi. Áıel aman.
Qazirgi ýaqytta tártip saqshylary jol-kólik oqıǵasynyń mán-jaıyn anyqtap jatyr. Tıisti saraptamalar taǵaıyndaldy, olardyń nátıjesi boıynsha is júrgizý sheshimi qabyldanady.
Posmotret etý pýblıkasıý v Instagram