2024 jylǵy Azıa chempıonatyndaǵy tóreshilikke qatysty daýly jaǵdaılardy tergeýge resmı túrde kiristi, dep habarlaıdy aqshamnews.kz
28 qarasha men 11 jeltoqsan aralyǵynda Taılandtyń Chıangmaı qalasynda ótken bul jarys barysynda tóreshilikke qatysty shaǵymdar aıtylyp, jarystyń ádildigine qatysty eleýli kúmánder týyndady.
Inside the Games málimeti boıynsha, aıyptaýlar ózbek boksshylaryna jasalǵan sheshimderge baılanysty, bul jaǵdaıdy IBA qazir muqıat zertteýdi bastaǵan.
Birinshisi – Abylaıhan Júsipov pen ózbek Havasbek Asadýllaev arasyndaǵy jekpe-jek boldy. Judyryqtasý kezinde qarsylasy otandasymyzdy tistep alǵan edi. Ol sátte tóreshiler elemegen bolatyn.
Keıinnen Qazaqstan boks federasıasynyń shaǵymynan keıin tehnıkalyq delegat Seıdı Daffı isti qaıta qarap, Asadýllaevty erejeni buzǵany úshin jarystan shettetip, altyn medal otandasymyzǵa berildi. Ekinshi kúmándi jekpe-jek taı boksshysy Somchaı Vongsýan men ózbek Adhamdjon Mýhıddınov arasynda ótti.
Munda da ózbek boksshysy kúmándi jeńiske jetken. Úshinshisi – Sanjar Táshkenbaı men ózbek Shodıarjon Melıkýzıev arasyndaǵy jekpe-jekti de qaıta qaraıdy. Qazaqstan boks federasıasy sońǵy raýndta Táshkenbaıǵa qarsy tóreshiniń negizsiz esep júrgizýi jekpe-jektiń nátıjesine áser etip, jeńisti Melıkýzıevke bergenin málimdedi.