Endi qazaqstandyqtar daıyn qujattardy Halyqqa qyzmet kórsetý ortalyǵyna barmaı-aq, úıine jetkizip alýǵa múmkindik alady.
Qyzmet aqyly negizde usynylady, - dep habarlaıdy Aqshamnews.kz.
Qyzmet quny:
Astana, Almaty jáne Shymkent qalalarynda — 1 990 teńge;
Óńirlik bólimshelerde — 1 000 teńge.
Úıge jetkizýge bolatyn qujattar tizimi:
Balanyń týý týraly kýáligi;
Nekeni buzý týraly kýálik;
Qaıta beriletin kýálikter men arhıvtik anyqtamalar (týý, neke qıý/buzý, qaıtys bolý);
Bilim týraly qujattardyń telnusqalary;
AHAJ jazbalaryn qalpyna keltirý týraly qujattar;
Resmı qujattardy apostıldeý.
Qyzmetti qalaı alýǵa bolady?
Qujattardy jetkizý qyzmetin tek qujattarǵa SON-da ótinish bergen kezde birden rásimdeýge bolady.
Qujat daıyn bolǵan kezde 1414 nómirinen biregeı kodpen SMS-habarlama keledi.
Odan keıin kýrer qyzmet alýshymen baılanysyp, jetkizý málimetterin naqtylaıdy. Qujatty tapsyrý kezinde jeke basyn kýálandyratyn qujat pen SMS arqyly kelgen kod arqyly tulǵany sáıkestendirý júrgiziledi.