Búgin shaıbaly hokeıden elimizdiń áıelder komandasy Ońtústik Koreıadan basym túsip, Harbın qalasynda ótip jatqan IX qysqy Azıa oıyndarynyń kúmis júldesine qol jetkizdi. Sheshýshi machtyń esebi: 3-0, dep habarlaıdy aqshamnews.kz.
Birinshi kezeńde san basymdyǵyn tıimdi paıdalanyp shabýylshymyz, kapıtannyń biri Malıka Aldabergenova esep ashty. Al sheshýshi aınalymnyń basynda Iýlıa Býtorına joıqyn soqqymen esepti eseledi. Taǵy bir shaıbanyń avtory - Darıa Moldabaı.
Jalpy Qazaqstan osy básekede Qytaıdyń Gonkong (12-0), Taıland (9-0), Qytaıdyń Taıpeıi (5-1), Qytaı (2-1), Ońtústik Koreıa (1-0) komandasyn utyp, tek Japonıaǵa (0-4) jol berdi.
Bul - hokeıden áıelder quramasynyń Azıa oıyndaryndaǵy 7-shi júldesi (3 altyn, 3 qola) jáne sonyń ishindegi alǵashqy kúmis medali.
Taǵy bir qyzyq jaıt, Qazaqstan quramasy tarıhyndaǵy eń iri jeńis osy Ońtústik Koreıamen baılanysty. 2003 jylǵy aq Azıadada bizdiń hokeıshiler búgingi qarsylastyń qaqpasyna jaýapsyz 19 shaıba salǵan.
Hokeı: Qazaqstan áıelder quramasy Harbın-2025 oıyndarynyń kúmis júldegeri atandy
- Avtor aqshamnews.kz
- 12:25, 14 aqpan 2025
Sýret: Salı Sabırov