1901 jyldan beri hımıa boıynsha Nobel syılyǵy 113 ret berildi
Stokgolmdegi Nobel komıteti hımıa syılyǵynyń 2022 jylǵy ıegerlerin atady, olar – AQSH ǵalymdary Kerolaın Bertossı men Barrı Sharpless, sondaı-aq dat ǵalymy Morten Meldal, dep habarlaıdy Almaty-akshamy.kz QazAqparatqa silteme jasap.
VVS-diń málimetinshe, syılyq klık-hımıasynyń ádisterin damytqany úshin berildi.
«Hımıa boıynsha 2022 jylǵy Nobel syılyǵy kúrdeli prosesterdi jeńildetýge arnaldy. Barrı Sharpless pen Morten Meldal molekýlalyq qurylys bloktary jyldam jáne tıimdi biriktiriletin hımıanyń fýnksıonaldy túri – klık-hımıanyń negizin qalady. Al Karolın Bertossı klık hımıasyn jańa deńgeıge shyǵardy», - delingen komıtettiń baspasóz habarlamasynda.
Aıta keteıik, 1901 jyldan beri hımıa boıynsha Nobel syılyǵy 113 ret berildi. Syılyqtyń 2022 jylǵy mólsheri 10 mln shved kronasyn (shamamen 900 myń dollar) qurap otyr.
Fızıka boıynsha 2022 jylǵy Nobel syılyǵyn fransýz Alen Aspe, amerıkalyq Djon F.Klaýzer jáne avstrıalyq fızık Anton Saılınger alǵanyn buǵan deıin jazǵan bolatynbyz.