Almaly aýdanyndaǵy komúnıtı ortalyqta qarjylyq saýattylyq boıynsha kýrs bastaldy.
Almaly aýdanynyń komúnıtı ortalyǵynda aýdan turǵyndaryna «Qaryzsyz qoǵam» jobasy aıasynda qarjylyq saýattylyq boıynsha arnaıy kýrs bastaldy, dep habarlaıdy almaty-akshamy.kz
Turǵyndarǵa qarjyny utymdy basqarý, nesıe, qaryz máselesi, qarjylyq saýatty arttyrý boıynsha birshama keńester berildi. Kýrsty qarjylyq keńes boıynsha ekspert Jandos Brasılov ótkizdi.
«Qaryzsyz qoǵam» − halyqtyń qarjylyq saýatyn arttyrýǵa baǵyttalǵan joba. Atalǵan jobada nesıe boıynsha bereshegi bar jáne boryshkerler tiziminde turǵan aýyl turǵyndary, qaryzy bar jáne onyń merzimin ótkizip alǵan azamattar, memleketten jeńildikpen nesıe alýǵa úmitker kásipkerler oqýdan óte alady.
Odan bólek, kásip ashqysy keletin jandarǵa baǵyt-baǵdar berilip, qarjylyq qıyndyqtary týyndaǵan azamattarǵa tegin zańgerlik kómek kórsetiledi.
Aıta keteıik, halyqtyń qarjylyq saýatyn arttyrýǵa baǵyttalǵan kýrs Almaly aýdanynyń komúnıtı ortalyǵynda 23 aqpanǵa deıin jalǵasady.