İİM transulttyq uıymdasqan qylmystyq toppen jolǵa qoıylǵan sıntetıkalyq esirtki óndirý jáne taratý arnasyna tosqaýyl qoıdy, dep habarlaıdy almaty-akshamy.kz
Sheteldik úsh azamatqa qatysty transulttyq uıymdasqan top qurǵany, oǵan basshylyq jasaǵany jáne qatysqany úshin qylmystyq is qozǵaldy. Qylmystyq toptyń músheleri Aqmola oblysy Ereımentaý qalasynyń shetinde ornalasqan, uıymdastyrýshy satyp alǵan jeke úıde quryqtaldy. Onda kúdiktiler psıhotroptyq zattardy daıyndap, saqtaǵan.
- Top músheleriniń arasynda rólder men mindetter naqty ózara aıqyndalǵan. Esirtki zerthanasynda salqyndatý, jeldetý júıeleri, sondaı-aq sıntetıka óndirý úshin arnaıy jabdyqtar bolǵan.
- Esirtki jasyryn túrde, qatań qupıalyqty saqtaýmen daıyndalǵan. Kúdiktiler kórshilerde kúdik týdyrmas úshin úıden tek qajet bolǵanda ǵana shyǵyp, úıdiń perımetri boıynsha uıymdastyrýshynyń Wi-Fi jelisine shyǵatyn beınebaqylaý kameralaryn ornatqan.
- Sonymen qatar esirtki ázirleýge arnalǵan shıkizattar men daıyn ónimdi saqtaıtyn garaj jáne avtokólik satyp alynǵan.
- Bul múlikterdiń barlyǵy kóleńkeli sqemamen tólenip, sheteldik satyp alýshynyń atyna tirkelmegen, – dedi İİM ımıjdik jumys jáne ishki komýnıkasıalar departamentiniń bastyǵy Shyńǵys Alekeshev.
Jalpy tintý kezinde 12 kg astam mefedron jáne 17 kg astam prekýrsor tárkilendi.