Aǵymdaǵy jyldyń 20 aqpan kúni Almaly aýdany komúnıtı ortalyǵynda «Áleýmettik jobalar» kórmesi ótti, dep habarlaıdy almaty-akshamy.kz
Kórmege ártúrli saladaǵy qalamyzda sátti júzege asyrylyp kele jatqan áleýmettik mańyzy bar 15 joba usynyldy. Atap aıtqanda «Alpha volunteers» eriktileriniń tilder parki, «QAMQOR CHARITY QQ-nyń áleýmettik sheberhanasy, «Teplo» qaıyrymdylyq jobasy, «ITeachMe» quzyrettilikti damytý ortalyǵy, «Teenergizer.qz» áleýmettik mańyzy bar aýrýlardyń aldyn alý jobasy jáne t.b bar. Sonymen qatar, is-sharada qalanyń demalys ortalyqtarynan qolóner kórmesi uıymdastyrylǵan bolatyn.
Ártúrli uıym ókilderi ózderin tanystyra otyryp, qyzyǵýshylyq tanytqan qonaqtardy óz jobalaryna shaqyrdy. Kórmege qala turǵyndary, jastar, sondaı-aq oqýshylar da qatysty.
– Osyndaı kórmeler arqyly qoǵamǵa paıdasyn tıgizip júrgen áleýmettik mańyzy bar jobalardy jastar arasynda keńinen nasıhattaǵymyz keldi. Bunyń ishinde volonterlik, áleýmettik jobalar bar. Óıtkeni osy kórmege usynylǵan qatysýyshlardyń barlyǵy bizdiń qoǵamda úlken igi is atqaryp júrgen jandar, - deıdi uıymdastyrýshylar.
Aıta keteıik, atalmysh kórme aldaǵy ýaqytta qalamyzdyń basqa aýdandarynda jalǵasyn tappaq.