Qazaqstanda 2% adam ǵana úıden tys jerde tamaqtanady eken.
Álemdik reı̆tıngte Qazaqstan damyǵan elderden, sondaı̆-aq álemniń damýshy ekonomıkalarynyń kópshiliginen asyp, azyq-túlikke kóp aqsha jumsaıtyn elge jatady, dep habarlaıdy Almaty-akshamy.kz
“Halyqtyń azyq-túlikke jumsalatyn shyǵysynyń joǵary úlesi Qazaqstandaǵy tutynýdyń ereksheligi sanalady. Olardyń úlesi eldegi qolaı̆ly ekonomıkalyq jaǵdaı̆ǵa qaraı̆ 45%-ǵa ózgerip, daǵdarys kezeńderinde 50%-dan asyp túsedi. Sońǵy derekter boı̆ynsha azyq-túlikke jumsalatyn shyǵys úlesi jıyntyq shyǵystyń 50%-dan astamyn alady”, – dep jazylǵan Ulttyq bank taldaýynda.
Qazaqstanda qalyptasqan tutyný mańyzdylyǵy sebepteriniń biri – úı̆de tamaq daı̆yndap, úı̆den tamaq ishýge baı̆lanysty qalyptasqan ádetter. Úı̆den tys jerde tamaqtanýǵa jumsalatyn shyǵys úlesi az jáne 2011 jyldan beri asa ózgergen joq (2011 jyly 2,9%, 2022 jyly – 2,2%).
Azyq-túlikke jumsalatyn shyǵystyń joǵary deńgeı̆ine halyqtyń ál-aýqat deńgeı̆i de áser etedi.