Bul saılaýdyń nátıjesi kópshilik kútkendeı boldy. Qalǵan úmitkerler - eńbek adamdary, biraq olardy osy kúnge deıin halyq bile bermeıtin. Árbir saılaý – bul kóp nárseni úırenýge kómektesetin belgili bir sabaq.
Saılaýda zańbuzýshylyqtar bolǵan joq, muny ártúrli uıymdar men baqylaýshylar da rastady. Sondaı-aq, halyqaralyq baqylaýshylardyń mundaı mańyzdy sharaǵa qatysqany qýantady, men buǵan ózim kýá boldym. Degenmen, respýblıka boıynsha kishigirim jeke qatelikter bolǵanyn da aıta ketken jón.
Ókinishke qaraı, bul kúni almatylyqtarda merekelik kóńil-kúı baıqalmady. Almatylyqtardyń kópshiligi saılaý prosesine qatysqan joq, bizdiń qala turǵyndary el boıynsha belsendiligi tómen saılaýshylar tiziminde boldy. Sondaı-aq, saılaý kezinde opozısıa ókilderinen úmitker bolmaǵany óte ókinishti. Opozısıa bolýy barlyq elderge tán.
Endi Prezıdent óz baǵdarlamasyn ustanýy kerek, halyq ony qoldaıdy. Biz barlyq salalarda oń nátıjege qol jetkizemiz dep senemiz jáne Qasym-Jomart Kemelulyn quttyqtaı otyryp, túbegeıli ózgeristerge úmittenemiz. Qazir aýyldyń ál-aýqaty alańdatady. Sondaı-aq, el ekonomıkasyndaǵy máselelerdi aınalyp ótýge bolmaıdy. Memleket basshysy halyqtyń ál-aýqatyna qatysty suraqtarda neǵurlym naqty sharalar qoldanýy qajet. Prezıdenttik saılaýdan keıingi alǵashqy ózgeris – parlamenttik saılaý. Meniń oıymsha, jańa jyldan keıin bul másele sheshiledi. Parlamentti ózgertý, partıalarmen, qoǵamdyq uıymdarmen jáne opozısıalyq qozǵalyspen jumysty qaıta qaraý qajet.