Táýelsizdik kúni aıasynda «Qazaqstan men Reseıdiń ǵylymı-akademıalyq yntymaqtastyǵy: jaǵdaıy men bolashaǵy» taqyrybynda «Dóńgelek ústel» ótti.
Ǵylymı is-sharany Qazaqstan Respýblıkasy Ǵylym jáne joǵary bilim mınıstrligi Ǵylym komıtetiniń Fılosofıa, saıasattaný jáne dintaný ınstıtýty men Reseı Ǵylym akademıasynyń Qoǵamdyq ǵylymdar jónindegi ǵylymı aqparat ınstıtýty uıymdastyrdy.
Otyrys barysynda Qazaqstan men Reseı arasyndaǵy ǵylymı-akademıalyq saladaǵy ekijaqty yntymaqtastyqtyń aýqymdy máselelerin talqylap, saıasat pen mádenıettegi óńirlik prosesterdi damytýdyń joly aıtyldy.
«Dóńgelek ústelde» FSDI Bas dırektory, QR UǴA Birinshi Vıse-prezıdenti Serik Seıdýmanov, Reseı Ǵylym akademıasynyń Qoǵamdyq ǵylymdar jónindegi ǵylymı aqparat ınstıtýtynyń Taıaý jáne postkeńestik Shyǵys bóliminiń meńgerýshisi V.A.Avatkov, FSDI Saıası zertteýler ortalyǵynyń basshysy Aıdar Ámirebaev, t.b. ǵalymdar baıandama jasady.
Taqyrypqa oraı
Aıdar ÁMİREBAEV, FSDI Saıası zertteýler ortalyǵynyń basshysy:
Osy jylda bizdiń ınstıtýt syrtqy saıasatqa kóbirek kóńil aýdardy. Bıyl birneshe elden delegasıa kelip, ǵylym týrasynda usynystaryn bildirdi. Kelisim-shartqa kelip, mańyzdy bastamalardy qolǵa aldyq. Búgin Reseıden kelgen delegasıa ókilderimen konferensıa ótti. Kezdesýde halyqaralyq, ǵylymı ortaq máselelerge saraptama jasaldy.
Jaqynda Astana qalasynda Ortalyq saılaý komısıasynyń 30 jyldyǵy atap ótildi. Soǵan oraı ınstıtýt erekshe zertteý eńbegin shyǵardy. Qazaqstannyń saılaý júıesi týraly kitapty Reseıden kelgen áriptesterge tanystyrdyq. Kelesi jyly Reseıde Prezıdent saılaýy ótedi.
Eki eldiń saılaý júıesin salystyryp, taǵy bir eńbek daıyndaý josparda bar.