Qytaıdyń soltústik-batysyndaǵy Gansý jáne Sınhaı provınsıalarynda bolǵan jer silkinisinen qaza tapqandar sany 200-ge jaqyndap qaldy. Bul týraly Qytaıdyń ortalyq telearnasynan málimdedi, dep habarlaıdy almaty-akshamy.kz.
Gansý provınsıasynda qaza tapqandar sany qazir 105 adamǵa jetti, al Sınhaı provınsıasynda 11 adam qaıtys boldy. Buǵan deıin Qytaıdyń joǵaryda atalǵan eki provınsıasynda 300-den astam adam qurban bolǵany týraly habarlanǵan.
QHR tóraǵasy Sı Szınpın adamdardy izdestirý jáne qutqarý, sondaı-aq Gansý provınsıasyndaǵy jer silkinisiniń saldaryn joıý úshin barlyq kúsh-jigerdi jumsaýǵa shaqyrdy.
QHR Memlekettik keńesi zardap shekken aımaqtarǵa kómek kórsetý jumystaryn júrgizý úshin arnaıy jumys tobyn jiberdi.
İzdestirý-qutqarý jumystary kúrdeli meteorologıalyq jáne geografıalyq jaǵdaılarǵa baılanysty qıyndap jatyr. Jer silkinisi bolǵan kezde túnde aýa temperatýrasy -15 gradýsqa deıin tómendegen. Sınoptıkterdiń boljamynsha, jer silkinisi bolǵan aımaqta aldaǵy 10 kúnde aýa temperatýrasy kúndiz 5 gradýsqa deıin kóterilip, túnde -14 gradýsqa deıin tómendeýi yqtımal.
Magnıtýdasy 6,2-ge deıin jetken jerasty dúmpýleri Gansý provınsıasynyń Szıshıshan-Baoan-Dýnsán-Salar avtonomıalyq okrýginde tirkeldi. Oshaǵy 10 km tereńdikte bolǵan.