Endi olardy Sergek tirkeıtin bolady.
Mınıstrliktiń málimetinshe, 11 aıda 556 jaıaý júrginshi qaıtys boldy, onyń 478-i jaıaý júrginshiler ótkelinde kóz jumǵan, dep habarlaıdy Almaty-akshamy.kz
Sergek ıntellektýaldy júıesiniń jaıaý júrginshi ótkelderinde adamdardy elemeıtin júrgizýshilerdi tirkeıtin pılottyq jobasy Almatyda iske qosyldy.
Budan bylaı Ákimshilik quqyqbuzýshylyq kodekstiń 600-babyna sáıkes “Jaıaý júrginshilerdiń nemese jol qozǵalysynyń ózge de qatysýshylarynyń júrýine basymdyq bermeý” tirkeletin bolady.
Mysaly, eger avtokólik jaıaý júrginshiden keıin júrse, bul jol júrisi qaǵıdasyn buzý bolyp sanalmaıdy. Al eger júrgizýshi jaıaý júrginshige jol bermese jáne toqtamasa, oǵan aıyppul salynady. Eger jaıaý júrginshi de, kólik quraly da bir qıylysý aımaǵynda bolsa, bul ákimshilik quqyq buzýshylyq bolyp tirkeledi.
"Intellektýaldy júıe jol júrisi qaǵıdalaryn buzýdy tirkep qana qoımaı, jol-kólik oqıǵalarynyń aldyn alyp, yqtımal qaýipti júrgizýshilerdi anyqtaıdy. Jańashyldyqtardyń biri – jaıaý júrginshilerdi ótkizbeıtin júrgizýshilerdi tirkeý", – delingen habarlamada.
Sonymen qatar ıntellektýaldy júıe pılottyq rejımde júrgizýshi men kólik quralynyń aldyńǵy oryndyqtarynyń jolaýshylarynda bekitilmegen qaýipsizdik beldigi sıaqty buzýshylyqtardy tirkeıdi.