Jymqyryldy degen qarajat kólemi 747 mln teńgeni quraıdy.
Sybaılas jemqorlyqqa qarsy qyzmet mamandary Gúlmıra Satybaldyǵa qatysty sotqa deıingi tergeý jumystary júrgizilip jatqanyn aıtty, dep habarlaıdy Almaty-akshamy.kz.
«Shymkent qalasy boıynsha Sybaılas jemqorlyqqa qarsy qyzmeti «Shymkent qalasynyń jolaýshylar kóligi jáne avtomobıl joldary basqarmasy» MM laýazymdy tulǵalary men «Arıa-Jańa Astana» JSHS basshylyǵyna, onyń ishinde Gúlmıra Satybaldyǵa qatysty 2021 jyly naqty oryndalmaǵan qurylys-montajdaý jumystary úshin asa iri mólsherde (747 mln teńge) búdjet qarajatyn jymqyrý faktisi boıynsha sotqa deıingi tergeý júrgizýde», - delingen QR Sybaılas jemqorlyqqa qarsy is-qımyl agenttiginiń habarlamasynda.
Ózge aqparat tergeý múddesinde jarıa etýge jatpaıdy.
Eske salsaq, Qaırat Satybaldyulymen birge onyń burynǵy jubaıy Gúlmıra Satybaldy da kúdikke ilingen bolatyn. Sybaılas jemqorlyqqa qarsy qyzmettiń málimetinshe, agenttik Qaırat Satybaldyulyna, onyń burynǵy jubaıy Gúlmıra Satybaldyǵa jáne basqa da tulǵalarǵa qatysty bıznesti reıderlik basyp alý faktisi boıynsha sotqa deıingi tergeýdi bastaǵan.
Keıin Gúlmıra Satybaldy eki aıǵa qamaýǵa alyndy.