Grýzıa halqy sanıtarlyq talaptar men vaksına alýda salǵyrttyq tanytyp júr
Qazan aıynda ǵana eldegi mektepter men balabaqshalar ashylyp, tipti saıası sharalar qyza túsken bolatyn. Halyq sanıtarlyq talaptardy umytyp, shet elge barys-kelis kóbeıgen. Grýzıa halqy vaksına qabylaýda da salǵyrttyq tanytyp otyr. Kún saıyn koronavırýsty juqtyrǵan 6 myńnan asa adam anyqtalady, dep habarlaıdy Almaty-akshamy.kz
Aýyr háldegi naýqastar men ólim-jitim kórsetkishi ósti. Kúnine bul dertten 40-tan astam adam kóz jumady. Vaksınalaý qarqyny da báseńdedi. Eger tamyz aıynda 63 myń adam ekpe saldyrsa, qazan aıynda tek 5 myń adam vaksına alǵan. Qazir Grýzıada halyqtyń tek 33%-i vaksınalandy. Al jýyrda jaramdylyq merzimi bitkendikten, AstraZeneka vaksınasynyń 17 myń danasy qoldanylmaı qaldy. Jergilikti jurt bul preparatqa senimsizdikpen qaraıdy. Óıtkeni kóktemde ony ekken medbıke qaıtys bolǵan edi. Al arqany keńge salǵan jurt saqtyq sharalaryn umytqan tárizdi.
«Epıdahýal qıyn. Ókinishtisi naýqastar sany ósip keledi. Bul tańqalarlyq jaıt emes, óıtkeni azamattarymyzdyń júris-turysy kóp. Sondaı-aq maska taqpaıdy, sanıtarlyq sharalardy saqtamaıdy. Qalyń jurt qatysqan kóptegen shara ótti. Munyń bári jaǵdaıdyń nasharlaýyna ákeldi. Jeltoqsan aıy kúrdeli bolady. Oǵan ózge de vırýsty aýrýlar qosylady», - dedi Aýrýlar men qoǵamdyq densaýlyqty baqylaý ortalyǵynyń dırektory Amıran Gamkrelıdze
Úkimet ázirge jańa shekteýler engizýdi kózdep otyrǵan joq. Densaýlyq saqtaý mınıstrligi el turǵyndaryn qazirgi erejeler men nusqaýlyqtardy saqtaýǵa shaqyrdy. Sondaı-aq halyqtyń vaksınalaýǵa belsendiligi artady degen úmitte.