Mamandar zertteý úshin farmasevtermen jumys isteıtinin málimdedi.
Kóbinese dárigerlerdiń dári-dármek reseptterin jazǵan qaǵazy qarapaıym adamdar úshin túsiniksiz bolyp jatady. Bul, ásirese, pasıentterge dárihanalardan preparatty satyp alarda qıyndyq týdyrady. Google kompanıasy bul máseleni sheshkisi keletinin aıtty, dep habarlaıdy Almaty-akshamy.kz Inbusiness.kz silteme jasap.
19 jeltoqsanda Úndistanda jyl saıyn ótetin konferensıada IT alyby dárigerlerdiń jazýyn túsiný joldaryn zertteý úshin farmasevtermen jumys isteıtinin málimdedi.
Qazir qoldanbanyń prototıpi bar. Biraq ol bárine paıdalanýǵa daıyn emes. Tek Google Lens kómegimen reseptti sýretke túsirýge nemese ony fotogalereıadan júktep alýǵa múmkindik beredi. Qoldanba sýretti óńdegennen keıin qajet dári-dármekterdi anyqtap, atyn ataıdy.
Qoldanba farmasevt sıaqty adamdardyń jumysyn tolyqtyryp, qolmen jazylǵan medısınalyq qujattardy sıfrlandyrý úshin kómekshi tehnologıa retinde paıdalanylady. Degenmen, sheshim tek osy tehnologıamen alynǵan nátıjeler negizinde qabyldanbaıdy.