Jalpyǵa birdeı deklarasıalaýdyń ekinshi kezeńi birinshi qańtarda bastalady
Óńirlik komýnıkasıalar qyzmeti alańyna Almaty qalasy Memlekettik kirister departamenti óndiristik emes tólemder basqarmasynyń basshysy Qýanysh Túmenbaev shaqyryldy. Ol 2023 jyldyń 1 qańtarynan bastap jalpyǵa birdeı deklarasıalaýdyń ekinshi kezeńi bastalatynyn aıtty. Megapolıste memlekettik mekemeler men kvazımemlekettik mekemelerdiń 100 myńnan astam qyzmetkeri jáne olardyń jubaılary aktıvter men mindettemeler jónindegi deklarasıany tapsyrady, dep habarlaıdy Almaty-akshamy.kz.
Qýanysh Túmenbaev Qazaqstanda jalpyǵa birdeı deklarasıalaý 2021 jylǵy 1 qańtardan bastap engizilgenin jáne onyń 4 kezeńde ótetinin eske saldy.
«2021 jyldyń 1 qańtarynan bastap memlekettik qyzmetshiler men olarǵa teńestirilgen tulǵalar úshin jalpyǵa birdeı deklarasıany engizýdiń birinshi kezeńi bastaldy. 2023 jyldan bastap memlekettik mekemeler men kvazımemlekettik sektordyń qyzmetkerleri men olardyń jubaılary, 2024 jyldan bastap zańdy tulǵalardyń basshylary men quryltaıshylary, sondaı-aq jeke kásipkerler men olardyń jubaılary, 2025 jyldan bastap azamattardyń qalǵan sanattary deklarasıa tapsyra bastaıdy, ıaǵnı, eldiń barlyq eresek turǵyndary», - dedi ÓKQ spıkeri.
Ol memlekettik mekemeler sanatyna tek búdjet esebinen ustalatyn mekemeler qaraıtynyn aıtty (densaýlyq saqtaý, mádenıet, sport, bilim berý, mektepke deıingi bilim berý salasyn jáne t.b qosa alǵanda). Al kvazımemlekettik sektor-bul memlekettiń qatysýymen qurylǵan qurylym. Kvazımemlekettik sektor sýbektileri-bul memlekettik kásiporyndar, jaýapkershiligi shekteýli seriktestikter, aksıonerlik qoǵamdar, onyń ishinde memleket qatysýshysy nemese aksıoneri bolyp tabylatyn ulttyq basqarýshy holdıńter, ulttyq holdıńter, ulttyq kompanıalar, sondaı-aq QR zańnamalyq aktilerine sáıkes olarmen úlestes bolyp tabylatyn enshiles, táýeldi jáne ózge de zańdy tulǵalar.
Búgingi tańda Almaty qalasy boıynsha memlekettik mekemeler qyzmetkerleriniń, sondaı-aq kvazımemlekettik sektor sýbektileriniń sany 100 myńnan astam adamdy quraıdy.
Almaty MKD ókili aktıvter men mindettemeler týraly deklarasıada qalaı kórsetilýi tıis ekenin aıtty.
1. Qazaqstan Respýblıkasynan tys jerlerdegi múlikter:
• jyljymaıtyn múlik, jer ýchaskeleri jáne (nemese) jer úlesteri, áýe jáne teńiz kemeleri, ishki sýda júzý kemeleri, "ózen-teńiz"júzý kemeleri;
• kólik quraldary, arnaıy tehnıka jáne (nemese) tirkemeler;
• Qazaqstan Respýblıkasynan tys jerlerdegi sheteldik bankterdegi banktik shottardaǵy aqsha barlyq banktik salymdar boıynsha respýblıkalyq búdjet týraly zańda belgilengen jáne esepti salyq kezeńiniń 31 jeltoqsanyna qoldanysta bolǵan aılyq eseptik kórsetkishtiń 1000 eselengen mólsherinen jıyntyq asatyn somada;
• Qazaqstan Respýblıkasynan tys jerde qurylǵan zańdy tulǵanyń jarǵylyq kapıtalyna qatysý úlesi.
2. Qazaqstan Respýblıkasynda da, odan tys jerlerde de múlik:
• turǵyn úı qurylysyna úlestik qatysý týraly shart boıynsha turǵyn ǵımarattaǵy úlesi;
• baǵaly qaǵazdar, týyndy qarjy quraldary (oryndalýy bazalyq aktıvti satyp alý nemese ótkizý jolymen júzege asyrylatyn týyndy qarjy quraldaryn qospaǵanda);
• ınvestısıalyq altyn;
• zıatkerlik menshik, Avtorlyq quqyq obektileri;
• respýblıkalyq búdjet týraly zańda belgilengen jáne jeke tulǵanyń aktıvteri men mindettemeleri týraly deklarasıa tabys etilgen jyldyń aldyndaǵy jyldyń 31 jeltoqsanynda qoldanysta bolatyn aılyq eseptik kórsetkishtiń 10000 eselengen mólsherinen aspaıtyn somada kórsetiletin qolma-qol aqsha;
• bankterge jáne bank operasıalarynyń jekelegen túrlerin júzege asyratyn uıymdarǵa bereshekti qospaǵanda, mindettemeniń nemese talaptyń týyndaýyna negiz bolyp tabylatyn notarıat kýálandyrǵan (kýálandyrylǵan) shart nemese ózge qujat bolǵan kezde jeke tulǵanyń jeke tulǵa aldyndaǵy bereshegi (debıtorlyq bereshek) jáne (nemese) jeke tulǵanyń basqa tulǵalar aldyndaǵy bereshegi (kredıtorlyq bereshek) Qazaqstan Respýblıkasynyń Qazaqstan Respýblıkasyndaǵy bankter jáne bank qyzmeti týraly zańnamasymen;
• jeke tulǵanyń qalaýy boıynsha baǵalaýshy men salyq tóleýshi arasyndaǵy shart boıynsha júrgizilgen baǵalaý týraly esepte aıqyndalǵan qun bolǵan kezde, osy múliktiń birligi úshin respýblıkalyq búdjet týraly zańda belgilengen jáne esepti salyq kezeńiniń 31 jeltoqsanynda qoldanysta bolǵan aılyq eseptik kórsetkishtiń 1000 eselengen mólsherinen asqan jaǵdaıda, basqa múlik kórsetilýi múmkin Qazaqstan Respýblıkasynyń baǵalaý qyzmeti týraly zańnamasyna sáıkes. Basqa múlikke memlekettik nemese ózge tirkeýge jatatyn múlik, sondaı-aq quqyqtar jáne (nemese) mámileler memlekettik nemese ózge tirkeýge jatatyn múlik jatpaıdy.
Osylaısha, aktıvter men mindettemeler týraly Deklarasıa (250.00-nysan) Deklarasıalaý júıesine kirgen kúnge jınaqtalǵan aktıvter men mindettemelerdi tirkeý úshin usynylady. Bul rette Qazaqstan Respýblıkasynyń ýákiletti organdarynda tirkelgen jyljymaıtyn múlik pen kólik quraldary týraly málimetter deklarasıada kórsetilmeýi tıis.
Aktıvter men mindettemeler týraly deklarasıany usyný tásilderi:
Deklarasıany "salyq tóleýshiniń kabıneti" arqyly elektrondy túrde berýge bolady (cabinet.salyk.kz), "elektrondyq úkimet" portaly (egov.kz), sondaı-aq esalyq azamat mobıldi qosymshasy arqyly 15 qyrkúıekke deıin. Al qaǵaz tasyǵyshta merzim usyný 15 shildege deıin.
Aktıvter men mindettemeler týraly deklarasıany usynbaǵany úshin ákimshilik jaýapkershilik
"Ákimshilik quqyq buzýshylyq týraly" Qazaqstan Respýblıkasy Kodeksiniń 272 – babynyń 1-tarmaǵyna sáıkes aktıvter men mindettemeler týraly Deklarasıany Qazaqstan Respýblıkasynyń zańnamalyq aktilerinde belgilengen merzimde usynbaý-aldyn ala eskertýge ákep soǵady.
Bul rette, "Ákimshilik quqyq buzýshylyq týraly" Qazaqstan Respýblıkasy Kodeksiniń 272 - babynyń 2-tarmaǵyna sáıkes ákimshilik jaza qoldanylǵannan keıin bir jyl ishinde qaıtalap jasalǵan áreketter-15 aılyq eseptik kórsetkish mólsherinde aıyppul salýǵa ákep soǵady.
Jalpyǵa birdeı deklarasıalaý boıynsha suraqtar týyndaǵan jaǵdaıda jeke tulǵalar 1414 nómiri boıynsha biryńǵaı baılanys ortalyǵynan keńes ala alady.