QR Oqý-aǵartý mınıstri Almaty qalasynyń Qoǵamdyq keńesiniń kezekten tys otyrysyna qatysty.
Keńes quramyna qalalyq máslıhat depýtattary, úkimettik emes jáne densaýlyq saqtaý, bilim berý uıymdarynyń ókilderi, qoǵam, mádenıet qaıratkerleri kiredi, dep habarlaıdy aqshamnews.kz.
Otyrysta bilim berý salasyndaǵy ózekti máseleler talqylandy. Ásirese mektepke deıingi uıymdar men jeke balalar ortalyqtarynda qaýipsizdik pen qyzmet sapasyn arttyrý, ınklúzıvti bilim berýdi damytý, mektep ınfraqurylymyn jańǵyrtý, balalardyń tamaqtanýyn uıymdastyrý, sondaı-aq tehnıkalyq jáne kásiptik bilim berýdiń keleshegi týraly sóz qozǵaldy.
Mınıstr óz sózinde qoǵamdyq keńestermen dıalog júrgizýdiń mańyzdylyǵyn atap ótti.
«Biz óńirlerde máslıhat depýtattarymen jáne úkimettik emes uıymdar ókilderimen turaqty túrde kezdesip kelemiz. Jergilikti máselelerdi ashyq talqylaý – bilim sapasyn júıeli túrde arttyrýǵa jasalǵan naqty qadam. Bilim berý salasyndaǵy memlekettik saıasatty júzege asyrýda sizderdiń kómekterińizge súıenemiz. Birlesken jumys problemalardy anyqtap qana qoımaı, olardy sheshýge de múmkindik beredi. Bizdiń ortaq mindetimiz – árbir balanyń áleýetin tolyq ashýǵa qolaıly ári teń jaǵdaı jasaý. Bul dáıekti túrde júzege asyrylyp kele jatqan ulttyq basymdyq», — dep atap ótti Ǵanı Beısembaev.
Otyrysqa qatysýshylar óz suraqtaryn qoıyp, tolǵandyrǵan máselelerdi ashyq talqylady. Ashyq dıalog formaty qoǵamdyq pikirdi estip qana qoımaı, naqty sheshimder qabyldaýǵa múmkindik berdi. Aıta ketý kerek, mundaı tájirıbe júıeli túrde jalǵasyp, qoǵamdyq keńestermen kezdesýler elimizdiń barlyq óńirinde ótkiziledi.