Marokko azýly qarsylasyna laıyqty tótep berdi
Qatarda ótip jatqan fýtboldan 2022 jylǵy álem chempıonatynyń úshinshi oıyn kúninde F tobyndaǵy Marokko men Horvatıa quramalary kezdesti, dep habarlaıdy Almaty-akshamy.kz QazAqparatqa silteme jasap.
Horvatıa quramasy 2018 jyly fınalǵa deıin jetti. Aqtyq synda Fransıaǵa ese jiberip, ázirge óz tarıhyndaǵy eń joǵary jetistikke qol sozdy.
Bıyl da sondaı tabysqa jete ala ma? Jankúıerler olardan osyndaı jeńis kútedi.
Horvatıa fýtbolshylary dúbirli dodadaǵy alǵashqy kezdesýin Marokko quramasyna qarsy ótkizdi. Kezdesý barysynda qos qurama jeńiske jetý jolyn izdedi.
Álem fýtbolynyń juldyzy Lýka Modrıch Horvatıa quramasyn alǵa súıreýge umtyldy. Dese de, olardyń oılaǵany oryndalmaı jatty.
Marokko azýly qarsylasyna laıyqty tótep berdi.
Ekinshi kezeńde de fýtbolshylar tablodaǵy esepke ózgeris engizýge kúsh salǵan edi. Horvatıalyq qurama oıynshylarynda dáldik jetispeı jatty.
Osylaısha qos qurama 0:0 esebine qanaǵat bildirdi.
Aıta ketsek, atalǵan toptaǵy Belgıa men Kanada kezdesýi «Qazsport» telearnasynan elorda ýaqytymen 01:00-de tikeleı efırde kórsetiledi.
Sondaı-aq, búgin, 23 qarashada E tobynda eki kezdesý ótedi.
22 qarashada S tobynda Argentına Saýd Arabıasynan jeńilse, Meksıka men Polsha teń tústi.
Al D tobynda Fransıa Aýstralıany iri eseppen utsa, Danıa men Týnıs komandalary teń tarqasty.