Qazaqstan Respýblıkasy Prezıdentiniń «Ortalyq atqarýshy organdar basshylarynyń halyqpen kezdesýlerin ótkizý týraly» Jarlyǵyna sáıkes QR Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın 24 qarashada saǵat 10.00-da Almaty qalasynyń turǵyndarymen kezdesedi, dep habarlaıdy Almaty-akshamy.kz.
Kezdesý Almaty qalasy, Abaı 90 dańyǵyly Q-Lab keńistigi, «Angar» konferens-zalynda ótedi. Oblys turǵyndary ár aýdanda ornatylǵan beınekonferens baılanys arqyly kezdesýge qatysa alady.
Turǵyndarmen kezdesýdiń onlaın-kórsetilimi QR Sıfrlyq damý, ınovasıalar jáne aeroǵarysh ónerkásibi mınıstrliginiń «Youtube» áleýmettik jelilerindegi resmı paraqshasynda tikeleı efırde kórsetiletin bolady.
Azamattardy kezdesýge belsendi qatysýǵa jáne QR Sıfrlyq damý, ınovasıalar jáne aeroǵarysh ónerkásibi mınıstrine saýal joldaýǵa shaqyramyz.
Mınıstrliktiń qyzmet baǵyttary: telekomýnıkasıa jáne baılanys, elektrondyq úkimet jáne memlekettik kórsetiletin qyzmetter, aeroǵarysh ónerkásibi, geodezıa ı kartografıa, elektrondyq ónerkásip, sıfrlyq aktıvter ındýstrıasy, aqparattyq qaýipsizdik, ınovasıalar.