Búgin fýtboldan Qazaqstan kýbogynyń besinshi týrynda Almatynyń «Qaıraty» Taldyqorǵannyń «Jetisýynan» basym tústi, dep habarlaıdy Almaty-akshamy.kz QazAqparat-qa silteme jasap.
Qazaqstan kýbogyndaǵy budan burynǵy oıyndarda almatylyq klýb jankúıer seniminen shyǵa alǵan joq. Qatarynan úsh kezdesýde qarsylastaryna ese jiberip aldy. Nátıjesinde týrnır kestesinde sońǵy oryndardy mise tutty. Sondyqtan búgingi kezdesýde negizgi quramnyń birqatar fýtbolshylary alǵashqy mınýttan jasyl alań tórinen kórindi. Oıynnyń 4, 18-mınýttarynda shabýylshy Artýr Shýshenachev qos goldyń avtory atansa, Rade Dýgalıch 61-mınýtta qorytyndy esepti belgiledi. Kezdesýde «Qaırat» qarsylasynan 3:0 esebimen basym tústi.
Búgingi taǵy bir oıynda Qostanaıdyń «Tobyly» óz alańynda «Tarazdy» 2:1 esebimen jeńdi. Osylaısha «Qaırat» sátsizdikter serıasyn toqtatty. Atalǵan týrda 7 tamyzda «Qyzyljar» SDÚSSHOR №8 komandasyn 3:2, «Aqjaıyq» «Aqtóbeni» 2:1 esebimen jeńse, «Maqtaral» men «Atyraý» 1:1 esebimen teń tústi. Dál qazir «Astana» men «Qaısar», «Turan» men «Kaspıı» komandalary kezdesýde.